प्रकाश 17:10 - Sunuwar Bible

¹⁰ मिनु मेको ७ ओटा डांडापुकी ७ ओटा पिप यो नम। मेको रे ५ ओटा बेक्‍शा लाक्‍तेक्‍म। मिनु कामी सासन पना पन बाक्‍ब। अर्को लीशो का चहिं मुल सम्‍म मजाक्‍शो बाक्‍त। मिनु नोले जाक्‍शा ङा मिन, छिन का ला सासन पाइब।

प्रकाश 17:10 ပူးပေါင်းရင်းမြစ်များ

यसैया 23:15

मिनु नोले टायर ७० बर्स, पिप का आ ब्रोंइतीके बर्स खोदेंशो, मदुम्‍म सम्‍म प्रेंचा पुंइसीब। मिनु मेको ७० बर्स नोले टायर सहर तेल्‍लेम आ कुम्‍सो देंशो खोदेंशो दुम्‍ब।

प्रकाश 10:11

मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। येरमीया १:९-१०

प्रकाश 13:12

ङोंइती ङा जन्‍तु नु बाक्‍शा, मेको ङोंइती ङा जन्‍तु आ अधिकार यो पाइक्‍बाक्‍त। मिनु मेकोमी रागी ङा मुर नेल्‍ल आन कली ङोंइती ङा जन्‍तु कली सेउ पपाइक्‍बाक्‍त। मेको ङोंइती ङा जन्‍तु चहिं तेको बाक्‍त देंशा हना, आ बेक्‍चा ङा गार साशो जन्‍तु बाक्‍त।

प्रकाश 13:3

मिनु मेको जन्‍तु आ ७ ओटा पिया ङा का साइक्‍चा ङा पा क्‍योरशो खोदेंशो ताता। तन्‍न आ ठेयब गार साशो बाक्‍त। मिनु रागी रागी ङा मुर नेल्‍ल मेको जन्‍तु तशा, छक लाक्‍शा, आ नोले खोइक्‍तेक्‍म।

प्रकाश 17:11

मिनु मेको ङोंइती बाक्‍शो नु मुल मबाक्‍शो जन्‍तु चहिं मेको अर्को ७ ओटा पिप आन नोले जाक्‍शो बाक्‍ब। मिनु नोले जाक्‍शो यो, मेको ७ ओटा रे जाक्‍ब। मिनु मेको नरक लाइब।

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।