प्रकाश 16:7 - Sunuwar Bible

⁷ मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। मारेइ मारेइ पने चाप्‍नीनी। इन पशो निसाफ थमा नु ठीक बाक्‍नीमी” देंशो नेंता। प्रकाश ९:१३; प्रकाश ६:१०-११

प्रकाश 16:7 ပူးပေါင်းရင်းမြစ်များ

यसैया 6:6

मिनु सेराफ का थनारोम चढ़ेतीक ङा मी गुप्‍शा, आं नेक्‍था जाक्‍त।

इजीकीएल 10:2

मिनु परमप्रभु यावेमी मेको सुती के वा फेक्‍शो मुर कली “करूब आन दी गे बाक्‍शो गुगील आन दातेम लावो। मिनु मेको करूब आन दातेम बाक्‍शो मी आ कोइला हुइश्‍शा, सहर आन तार फ्रावो” दे माइक्‍तु। मिनु आं कोव़ना कोव़न, मेको आगा ओव़त। इजीकीएल ९:२; प्रकाश ८:५

इजीकीएल 10:7

मिनु करूब काम आ गुइ करूब आन बाक्‍तीक ङा मी गे दिंताक्‍व। मिनु मेकोमी मी आ कोइला हुइश्‍‍शा, मेको सुती के वा फेक्‍सीशो मुर आ गुइम कुर पाप्‍तु। मिनु मेको मी कुरशा लाङगा ग्रूत।

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

प्रकाश 14:10

मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७

प्रकाश 14:18

मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३

प्रकाश 6:9

मिनु पाठामी मेको लीशो छाप सां रे का प्राक्‍गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्‍त परमप्रभु यावे आ तौ बाक्‍ब, दे शेंचा आ पर्बम साइक्‍चा पुंइसीशो मुर बाक्‍तेक्‍म।