प्रकाश 16:6 - Sunuwar Bible

⁶ रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 16:6 ပူးပေါင်းရင်းမြစ်များ

२ राजा 24:4

मारदे हना मनस्‍सेम दोस मताइब मुर आन कली साइश्‍शा, यरूसलेम कली हुशेम प्रिंशो बाक्‍माक्‍त। मिनु परमप्रभु यावेमी मेको कली माफ गेने मबिश्‍शो बाक्‍माक्‍त।

प्रस्‍थान 21:24

सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

प्रस्‍थान 7:17

मोपतीके परमप्रभु यावेमी “गो परमप्रभु यावे नङ। गे आं पतीकेमी तुइक्‍नेवे। गो आं कोक्‍केमी नील खोला ङा ब्‍वाक्‍कु तुप्‍नुङ। मिनु मेको हुश दुम्‍ब। प्रस्‍थान ४:९

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 26:11

मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्‍ल आन कली “एको मुर कली साइक्‍चान माल्‍ब। मारदे हना एकोमी एको सहर आ पर्बम मरिम्‍शो पा परमप्रभु यावे आ लोव़ पाप्‍तु। मेको गेपुकीम आंमा यो नेंतीनी” देंतेक्‍म। प्रेरित ६:१३

येरमीया 26:16

मिनु सरकार आ गेय पाइब मुर नु अरु मुर नेल्‍लेम, चढ़ेबपुकी नु परमप्रभु यावे आ लोव़ पाइब आन कली “एको मुर साइक्‍चा पुंइसीचा ङा मुर ममाइ। एको मुरुम इं कली परमप्रभु यावे, इं परमप्रभु आ नेंम एको लोव़ नेंपाइक्‍तु” देंतेक्‍म।

बिलाप 4:13

परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।

इजीकीएल 32:6

मिनु गो इ हुशेम रागी जिप्‍पाइक्‍नुङ। डांडा सम्‍म जिप्‍पाइक्‍नुङ। मिनु खोल्‍सा नेल्‍ल इ श्‍येम प्रिंनुङ।

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

लूका 12:48

होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

प्रकाश 11:18

मिनु रागी रागी ङा मुरपुकी गाइक्‍ताक्‍म। मिनु मेको आन पर्बम गाइक्‍ताक्‍नी। बेक्‍शो मुर आन कली निसाफ पची ना दुम्‍त। मिनु इन लोव़ पाइब, इन नोले खोइक्‍ब, इन नें कली मान पा हिंब, आइक्‍च नु ठेयब मुर नेल्‍ल आन कली इनाम गेची ना दुम्‍त। मिनु गे रागी कली बिग्रेब मुर आन कली बिग्रेथ जाक्‍तीनी” दे परमप्रभु यावे कली देंतेक्‍म। भजन संग्रह २:३

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

प्रकाश 13:15

मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 18:24

मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३