प्रकाश 16:21 - Sunuwar Bible

²¹ मिनु मुर आन बाक्‍तीकेमी शुश मुप्‍स यित। मेको मुप्‍स टलेन्‍ट का सम्‍म हेल्‍शो बाक्‍तेक्‍म। मिनु मेको मुप्‍स मुर तार दोक्‍मेनु, मुरपुकी मेको मुप्‍स तशा, परमप्रभु यावे कली सराप पाम्‍तेक्‍म। मारदे हना मेको मुप्‍सीम रागीमी बाक्‍ब मुर आन कली शुश हिंचा ङा श्‍येत गेप्‍तु। टलेन्‍ट ३५ किलो कोदेंशो बाक्‍ब। प्रस्‍थान ९:२३

प्रकाश 16:21 ပူးပေါင်းရင်းမြစ်များ

अय्‍युब 38:22

गे शुश फुं बाक्‍तीकेम ओव़ङे? गे शुश मुप्‍स बाक्‍तीक तवी? यहोसु १०:११; यसैया ३०:३०

अय्‍युब 38:23

गो मेको श्‍येत ङा नाक्‍ती नु लडाइ ङा नाक्‍त कली खेक्‍शा वोइक्‍ता।

प्रस्‍थान 9:18

नेनो, दीसा गो शुश मरिम्‍शो मुप्‍स यिपाइक्‍नुङ। मुल सम्‍म इजीप्‍त रागीमी मुर बाक्‍चा गोव़मे रे मोदेंशो ठेयब मुप्‍स गेनायो मयिशो बाक्‍ब।

प्रस्‍थान 9:22

मिनु नोले परमप्रभु यावेमी मोसा कली “इ गुइ सरीङ गे दिंदो। मो पवीनु, इजीप्‍त रागी नेल्‍लेमी मुप्‍स यीब। मुप्‍स यिशा, मुर बी ब्‍यफ, क्‍यारश भेडा नु रू आन तारी देल्‍ब” दे परमप्रभु यावेमी मोसा कली देंत।

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

यसैया 8:21

मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।

इजीकीएल 13:11

गे मेको बुलु ब्रुइ‍क्‍ब आन कली “थाम्‍पा ठेयब रेउ यीब। मिनु ठेयब मुप्‍स यीनीम। मिनु फश गिवार जाक्‍ब।

इजीकीएल 13:13

मोपतीके परमप्रभु, परमप्रभु यावेमी “गो आं गाइश्‍शोम थम हिंचा ङा फश गिवार पपाइक्‍नुङ। मिनु आं चुरशोम खतम पोक्‍चा कली रेउ नु मुप्‍स जाक्‍ब।

यहोसु 10:11

मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 16:11

मोपतीके स्‍वर्ग ङा परमप्रभु कली सराप पाम्‍तेक्‍म। मारदे हना मेकोमी ठेयब मरिम्‍शो गार दुम्‍पाइश्‍शा, श्‍येत गेप्‍तु। तन्‍न आन मरिम्‍शो पचा मप्रोनेम।

प्रकाश 16:9

मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम।

प्रकाश 8:7

मिनु ङोंइती ङा तुराही शेयब परमप्रभु यावे आ स्‍वर्ग ङा गेय पाइबमी ताप्‍तु। मोपा तबानु, सरीङ रे रागी तारी हुश ब्‍वांइ‍सीशो मुप्‍स नु मी यित। मिनु रागी के भाग सां ङा भाग का, रवा आन भाग सां ङा भाग का नु घांस नेल्‍ल दुप्‍शा नेक्‍तु। प्रस्‍थान ९:२३-२६