प्रकाश 16:18 - Sunuwar Bible

¹⁸ मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्‍मानु, मोमो ठेयब ख्रिनु गेनायो मकुशो बाक्‍माक्‍त।

प्रकाश 16:18 ပူးပေါင်းရင်းမြစ်များ

यसैया 29:6

मिनु मुर नेल्‍ल आन परमप्रभु यावे इ कली ग्रुम्‍थ जाक्‍ब। मेको बुंबु, ख्रिनु ठेयब रेयके नु जाक्‍ब। मेको हिरशो फश गिवार नु ठेयब मी नु जाक्‍ब।

दानीएल 12:1

मिनु परमप्रभु यावे आ स्‍वर्ग ङा गेय पाइबमी “मेना नेल्‍ल क्‍येङा ठेयब स्‍वर्ग ङा गेय पाइब मिकाएल जाक्‍ब। मिनु मेकोमी इ रागी ङा मुर आन कली कोव़ब। मेना रागी दुम नोले गेनायो मदुम्‍शो श्‍येत जाक्‍ब। तन्‍न इ मुर श्‍येत रे प्रोंइचा पुंइसीनीम। सु सु आन नें किताबम ब्रेक्‍शो बाक्‍मे, मेको ब्रोंइचा ताइनीम। दानीएल १०:१३; प्रकाश १२:७; मत्ती २४:२१; दानीएल ७:१०

मत्ती 24:21

परमप्रभु यावेमी रागी सेला रे मुल सम्‍म सुइमी मतुइश्‍शो श्‍येत जाइनीम। मोदेंशो श्‍येत जचा लेंशा गेनायो मदुम्‍ब। दानीएल १२:१

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 4:5

मिनु मेको नित्‍तीक रे चिला दाप्‍शो तांइसाक्‍व। मिनु बुंबु पशो रेयके नु सेंदापुकी नेंसाक्‍व। मिनु ठेयब नित्‍तीक आ ङोंइती ७ ओटा ब्रशो तोव़शी बाक्‍तेक्‍म। मेको ७ ओटा तोव़शी चहिं परमप्रभु यावे आ ७ ठाउंम बाक्‍शो सोक्‍त बाक्‍तेक्‍म। प्रस्‍थान १९:१६

प्रकाश 6:12

मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९

प्रकाश 8:5

मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। इजीकीएल १०:२