प्रकाश 16:16 - Sunuwar Bible

¹⁶ मिनु मेको वोल सांमी रागी रागी ङा पिप ब्रथ लशा, जाक्‍शा, हिब्रू लोव़मी आरमागेडोन माइश्‍शो रागीमी खुम्‍साक्‍म।

प्रकाश 16:16 ပူးပေါင်းရင်းမြစ်များ

२ इतिहास 35:22

मो हना यो योसीयाहम मेको आ देंशो लोव़ मनेना बाक्‍त। तन्‍न मेको नेको नु लडाइ पचा कली अर्को वा फेक्‍से बाक्‍त। मेकोमी नेको आ देंशो परमप्रभु आ लोव़ मनेना बाक्‍त। मिनु मेको मेगीददो ङा दिंमम मेको नु लडाइ पचा कली रीब पा लमाक्‍त।

जकरिया 12:11

मेको नाक्‍ती मेगीददो ङा बेंसीमी हदाद-रिम्‍मोनमी रोंका पशो खोदेंशो पा यरूसलेममी ठेयब रोंका पाइनीम। २राजा ५:१८

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

यूहन्‍ना 19:17

मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

यूहन्‍ना 5:2

यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१

प्रेरित 26:14

मोदेंशो छेङछेङ दुम्‍शो तशा, गो नेल्‍ल दिङ दाङ गोल्‍तक। मिनु हिब्रू लोव़ पा आं नें थिशा ‘सावल, सावल आं कली मारदे खेदा पा श्‍येत गेयी? गे आंमा श्‍येत जाइनेवे’ दे लोव़ पशो नेंता।

प्रकाश 17:14

मोदेंशो दुम्‍मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्‍ब। मिनु मेको नु बाक्‍शोपुकी आ ब्रेश्‍शो नु योव़शो मुरपुकी बाक्‍नीमी। मेको नु बाक्‍बपुकी आ ब्रेश्‍शो नु योव़शो दीगो पाइब यो बाक्‍नीमी” दे आं कली देंत। प्रकाश १९:१६; प्रकाश १९:१४

प्रकाश 9:11

मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।

न्‍यायाधीस 4:7

गो चहिं याबीन आ लडाइ पाइब आन कप्‍तान सीसेरा आ मुर नु आ बग्‍गीपुकी ग्रुंइशा, किशोन खोला आ नेक्‍था चाक्‍‍नुङ। मिनु इन गुइमी गेनुङ” दे मदा बाक्‍त।

न्‍यायाधीस 5:19

कनान ङा पिपपुकी लडाइ पा जाक्‍तेक्‍म। मेगीददो आ नेक्‍था तानाक सहरमी लडाइ पाम्‍तेक्‍म। तन्‍न चांदी नु अरु रोइश्‍शो मारेइ यो लाइक्‍चा मताम।