प्रकाश 16:1 - Sunuwar Bible

¹ मिनु नोले गो परमप्रभु यावे आ खिं रे ठेयब सेंदा का नेंता। मेको सेंदामी परमप्रभु यावे आ ७ जना स्‍वर्ग ङा गेय पाइब आन कली “लने। परमप्रभु आ गाइक्‍चामी ब्रीशो ७ ओटा डप्‍का रागीमी मोतीन” देंत।

प्रकाश 16:1 ပူးပေါင်းရင်းမြစ်များ

भजन संग्रह 79:6

इन कली मतुइक्‍ब रागी रागी ङा मुर नु इन नें मथीब राज्‍य आन तार इन गाइक्‍चा मोतीन। येरमीया १०:२५

येरमीया 10:25

इन कली मतुइक्‍ब रागी रागी ङा मुर नु इन नें थिचा मदाक्‍ब जात जात ङा मुर आन तार इन गाइक्‍तीक मोतीन। मारदे हना मेकोपुकीमी याकूब कली नेक्‍शा दाक्‍शा पशो बाक्‍नीम। मेकोपुकीमी मेको कली थमा पा दाक्‍शो बाक्‍नीम। मिनु मेको आ बाक्‍तीक मुर मबाक्‍तीके सेल्‍शो बाक्‍नीम।

इजीकीएल 10:2

मिनु परमप्रभु यावेमी मेको सुती के वा फेक्‍शो मुर कली “करूब आन दी गे बाक्‍शो गुगील आन दातेम लावो। मिनु मेको करूब आन दातेम बाक्‍शो मी आ कोइला हुइश्‍शा, सहर आन तार फ्रावो” दे माइक्‍तु। मिनु आं कोव़ना कोव़न, मेको आगा ओव़त। इजीकीएल ९:२; प्रकाश ८:५

इजीकीएल 22:31

मोपतीके गो आ गाइश्‍शो मेको आन तार मोइक्‍नुङ। आं चुरशो मीमी मेको आन कली खतम सेल्‍‍नुङमी” दे परमप्रभु, परमप्रभु यावेमी देंत। इजीकीएल २१:३६

सेफन्‍याह 3:8

परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। योएल ४:२; भजन संग्रह ७९:६

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 14:15

मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मिनु मेकोमी गोस्‍स तार बाक्‍ब कली ठेयब सेंदामी “रागी ङा बाली मीशो बाक्‍त। मुल रिक्‍ची ना दुम्‍त। मिनु मुल रिक्‍चा गोवो” देंत। योएल ४:१३; मत्ती १३:३९

प्रकाश 14:18

मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।

प्रकाश 15:1

मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। प्रकाश १६:१

प्रकाश 16:17

मिनु नोले ङा परमप्रभु यावे आ स्‍वर्ग ङा गेय पाइबमी आ कुरशो डप्‍का फशेमी मोइक्‍तु। मिनु मेकोमी मोदानु, परमप्रभु यावे आ खिं रे नु आ नित्‍तीक रे ठेयब सेंदा कामी “मुल नुप्‍त” देंशो नेंता।

१ सामुएल 15:18

परमप्रभु यावेम इन कली मेको पाप पाइब अमालेकी आन कली खतम पोक्चा, दे थमा पा देंशा सोइश्‍शो बाक्‍त। मेको आन कली काइ मवोइक्‍थु मसाइक्‍नी सम्‍म गे लडाइ पस ङा पस बाक्‍चा माल्‍शो ननी।

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।