प्रकाश 15:8 - Sunuwar Bible

⁸ मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४

प्रकाश 15:8 ပူးပေါင်းရင်းမြစ်များ

भजन संग्रह 29:9

परमप्रभु यावे आ सेंदामी ठेयब रवा कली जिक्‍पाइक्‍ब। ब्‍वाकी ङा रवा नेल्‍ल शोल्‍मो पा खोल्‍ब। मिनु नेल्‍लेमी “परमप्रभु ला ठेयब बाक्‍ब” दे आ बाक्‍तीकेमी लोव़ पाइनीम।

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

यसैया 6:4

मेको आन ब्‍वाक्‍शो रेयकेमी परमप्रभु यावे आ खिं ङा जग हिम्‍सीशा, कुनम ब्रीत।

येरमीया 15:1

मिनु परमप्रभु यावेमी आं कली “मोसा नु सामुएलमी आं ङोंइती जाक्‍शा पुंइ‍ताक्‍स हना यो, आं थुं एको जात ङा मुर आन गे मलेप्‍ब। मेको आन कली आं ङोंइती रे ग्रुंइदीमी। मेको आन कली लचा गेमी। प्रस्‍थान ३२:११; १सामुएल ७:९; इजीकीएल १४:१४

बिलाप 3:44

आंइ पुंइशो इन बाक्‍तीक मजाक्‍चा ङा पा, गे गोस्‍सुमी गिल्‍‍साक्‍नी।

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

रोमी 11:33

परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९

२ थिस्‍सलोनिकी 1:9

मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।

प्रकाश 15:1

मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। प्रकाश १६:१

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।