प्रकाश 15:3 - Sunuwar Bible3 मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७ အခန်းကိုကြည့်ပါ။ |
प्रकाश 15:3
49 ပူးပေါင်းရင်းမြစ်များ
मिनु परमप्रभु यावे आ स्वर्ग ङा गेय पाइब अर्को कामी मेको ङोंइती ङा आ नोले खोइश्शा, मेकोमी “बेबीलोन माइश्शो ठेयब सहर खतम दुम्त। मारदे हना मेकोमी ङोंइती नेल्ल रागी ङा मुर आन कली पाप पपाइक्तु। रागी ङा मुरपुकी बेबीलोन आ पर्बम परमप्रभु यावे आ गाइश्शो ताम्तेक्म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७
मोदेंशो दुम्मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्ब। मिनु मेको नु बाक्शोपुकी आ ब्रेश्शो नु योव़शो मुरपुकी बाक्नीमी। मेको नु बाक्बपुकी आ ब्रेश्शो नु योव़शो दीगो पाइब यो बाक्नीमी” दे आं कली देंत। प्रकाश १९:१६; प्रकाश १९:१४
मिनु मेको सेस जन्तु ६, ६ ओटा फ्रां पाइश्शो बाक्तेक्मे। मेको आन फ्रां नेल्ल नु आन रां नेल्लेमी मिक्च पाइश्शो बाक्तेक्म। मिनु मेकोपुकी नाक्दो नाक्त परमप्रभु यावे कली कुम्सो पना पन बाक्बाक्तेक्म। मार कुम्सो पाइबाक्तेक्म देंशा हना, “परमप्रभु यावे, गे का ला परमप्रभु ननी। गे नेल्ल सक्ति पाइश्शो बाक्नीनी। गे ङोंइती बाक्शो बाक्तीनी। मुल यो बाक्नीनी। मिनु नोले यो जाक्नीनी” दे कुम्सो पना पन बाक्बाक्तेक्म। यसैया ६:२-३; प्रस्थान ३:१४
ကြော်ငြာတွေ