प्रकाश 14:6 - Sunuwar Bible

⁶ मिनु स्‍वर्ग आ दातेमी गो परमप्रभु यावे आ स्‍वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्‍त, दे ग्‍येरपाइक्‍ब लोव़ शेंथ यित। मेको नेल्‍ल रागी ङा, नेल्‍ल जात ङा, नेल्‍ल लोव़ पाइब नु शुश मुर आन कली शेंथ यित।

प्रकाश 14:6 ပူးပေါင်းရင်းမြစ်များ

उत्पत्ती 1:6

मिनु परमप्रभुमी “ब्‍वाक्‍कु आ दातेमी फ्रातीक दुमो। ब्‍वाक्‍कु ब्राशा बाक्‍मल” देंमाक्‍त।

२ सामुएल 23:5

मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।

भजन संग्रह 119:142

इन निसाफ पतीके गेना हना यो ठीक बाक्‍ब। मिनु इन अरेशो लोव़ थमा लोव़ बाक्‍ब।

भजन संग्रह 139:24

गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।

भजन संग्रह 145:13

इन राज्‍य गेना हना यो लीब राज्‍य बाक्‍ब। इन सासन पतीके पाला पाला सम्‍म बाक्‍ब। परमप्रभु यावेमी आ देंशो नेल्‍ल पाइब। मिनु आ पशो मारेइ मारेइ शिशीम पाइब।

यसैया 40:8

घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

यसैया 51:8

मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।

यसैया 6:2

मेको आ इर गे स्‍वर्ग ङा गेय पाइब सेराफ बाक्‍शो बाक्‍तेक्‍म। मेको आन के ६, ६ ओटा फ्रां बाक्‍तेक्‍म। मिनु फ्रां निक्‍शीमी आन कुल सुम्‍शो बाक्‍तेक्‍म। फ्रां निक्‍शीम आन खोइली सुम्‍शो बाक्‍तेक्‍म, फ्रां निक्‍शीमी बेरबाक्‍तेक्‍म। १राजा २२:१९

इजीकीएल 1:14

मेको सोक्‍त पाइश्‍शोपुकी चिला आप्‍शो खोदेंशो पा एर ओंथ बेरबाक्‍तेक्‍म।

दानीएल 4:1

मिनु पिप नेबुकदनेसरमी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ६:२५

दानीएल 9:21

प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

मत्ती 10:27

गोमी इन कली छिङछिङमी माइश्‍शो लोव़ छेङछेङमी मतीने। इन कली नोफाम देंशो लोव़ नोले ठेयब सेंदा पा नेंपतीने।

मर्कूस 16:15

मिनु येसुमी आ शेंसीब ११ जना आन कली “रागी नेल्‍ल हिरशा, ग्‍येरपाइक्‍ब लोव़ नेल्‍ल आन कली नेंपतीने। मर्कूस १३:१०; मत्ती २८:१६-२०

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

कलस्‍सी 1:23

गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

२ थिस्‍सलोनिकी 2:16

इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

१ पत्रुस 1:25

तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८

प्रकाश 10:11

मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। येरमीया १:९-१०

प्रकाश 10:7

मिनु मेको आ कसम जशो लोव़ मार बाक्‍त देंशा हना “नेल्‍ल क्‍येङा नोले ङा परमप्रभु यावे आ स्‍वर्ग ङा गेय पाइबमी तुराही तबानु, परमप्रभु यावेमी आ लोव़ पाइब आन कली ‘मुल रिम्‍ची ना नुप्‍त’ दे ङोंइती रे मशेंशो परमप्रभु यावे आ ख्रुइश्‍शो लोव़ मुल दुम्‍चाप्‍तु” दे कसम जाप्‍तु। प्रकाश ११:१५; प्रेरित ३:२१

प्रकाश 13:7

मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। प्रकाश ११:७; दानीएल ७:२१

प्रकाश 3:10

मिनु गे शुश श्‍येत फाल्‍शा, आं देंशो लोव़ मप्रोंइनी। मोपतीके रागी नेल्‍ल ङा मुर आन थुं थाम्‍चा कली जाक्‍शो श्‍येत रे प्रोंइनन्‍नी। प्रकाश १४:१२; मत्ती ६:१३

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

प्रकाश 8:13

मिनु नोले ककाकुली का सरीङमी बेरशो ताता। मेकोमी ठेयब सेंदामी “मुल परमप्रभु यावे आ स्‍वर्ग ङा गेय पाइब सांमी तुराही ताप्‍चा लीतेक्‍म। मेको आन ताप्‍शो रेयकेमी रागी ङा मुर आन कली थम हिंचा ङा दुम्‍चाप्‍तु। आबी आबी आबी, तुराही ग्रीशोमी रागी ङा मुरपुकी शुश श्‍येत जाइनीम” दे ग्रीशो नेंता।