प्रकाश 14:20 - Sunuwar Bible

²⁰ मिनु ख्राक्‍तीके सहर रे ङोन बाक्‍त। ख्राक्‍ग्‍मेनु, मेको कोल रे रस खोदेंशो पा हुश शांइ‍साक्‍व। मिनु मेको हुश १६ हजार स्‍तादीयोन ङोन दोक राप्‍शो शारा आ शोव़ सम्‍म लत। स्‍तादीयोन का १८५ मिटर बाक्‍ब। यसैया ६३:३

प्रकाश 14:20 ပူးပေါင်းရင်းမြစ်များ

उत्पत्ती 49:11

मेकोमी आ गधा अङगुर आ बोटम पाइक्‍ब, आ गधा आ चाइक्‍ब नेल्‍ल क्‍येङा रिम्‍शो अङगुर बोटम पाइक्‍ब। आ फेक्‍तीक वा अङगुर शांबुम मुरब। आ वा अङगुर आ रसम ख्रुम्‍ब। योएल ४:१८

यसैया 66:24

मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८

बिलाप 1:15

परमप्रभुमी आं दाते ङा लडाइ पाइब नेल्‍ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्‍ल आन कली साइक्‍तु। परमप्रभुम अङगुर ख्राक्‍शो खोदेंशो पा यहूदा ङा कन्‍ने मीश आल, यरूसलेम कली ख्राक्‍शो बाक्‍ब। यसैया ६३:३

इजीकीएल 32:6

मिनु गो इ हुशेम रागी जिप्‍पाइक्‍नुङ। डांडा सम्‍म जिप्‍पाइक्‍नुङ। मिनु खोल्‍सा नेल्‍ल इ श्‍येम प्रिंनुङ।

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

ब्‍यवस्‍था 32:14

मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।

प्रकाश 11:8

मेको आस बेक्‍शो रां चहिं ठेयब सहर ङा लांमी लीताक्‍से। मेको ठेयब सहर आ ख्रुइश्‍शो नें चहिं सोदोम नु इजीप्‍त माइश्‍शो बाक्‍त। मेको ठेयब सहरमी मुरपुकीमी मेको आस प्रभु कली शीम कांटी थोक्‍शा साइश्‍शो बाक्‍तेक्‍म।