प्रकाश 14:15 - Sunuwar Bible

¹⁵ मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मिनु मेकोमी गोस्‍स तार बाक्‍ब कली ठेयब सेंदामी “रागी ङा बाली मीशो बाक्‍त। मुल रिक्‍ची ना दुम्‍त। मिनु मुल रिक्‍चा गोवो” देंत। योएल ४:१३; मत्ती १३:३९

प्रकाश 14:15 ပူးပေါင်းရင်းမြစ်များ

उत्पत्ती 15:6

मिनु अब्राममी परमप्रभु यावे आ लोव़ थमा सुदा बाक्‍त। मिनु परमप्रभु यावेमी अब्राममी थमा सुइश्‍शो तशा “ठीक पाइब मुर का बाक्‍त” दे तुइक्‍ता बाक्‍त। रोमी ४:३-५; याकूब २:२३

यसैया 62:1

परमप्रभु यावेमी “गो सियोन आ पर्बम सिक्‍सी पा मबाक्‍नुङ। यरूसलेम आ पर्बम गो मनांइसीनुङ। मेको आ ठीक पतीके सुनी ङा छेङछेङ खोदेंशो पा मग्रूम सम्‍म नु आ पाप रे प्रोंइचा पुंइसीतीके ब्रशो तोव़शी खोदेंशो मदुम सम्‍म मनांइसीनुङ।

येरमीया 51:33

मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन आ तमी दांइ पतीक खला का खोदेंशो दुम्‍ब। मेको दिप्‍चा पुंइसीब। इच्‍का नोले रिक्‍ची नाक्‍ती रीब पा जाक्‍ब” देंत।

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

मत्ती 13:39

सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।

मत्ती 23:32

इन किकी पिपीम पचा मजाक्‍दीश्‍शो पाप गेपुकीमी खपीने।

मर्कूस 4:29

तन्‍न मीमेनु, रिक्‍ब। मारदे हना रिक्‍ची जाक्‍शो बाक्‍ब” देंमाक्‍त।

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 13:12

ङोंइती ङा जन्‍तु नु बाक्‍शा, मेको ङोंइती ङा जन्‍तु आ अधिकार यो पाइक्‍बाक्‍त। मिनु मेकोमी रागी ङा मुर नेल्‍ल आन कली ङोंइती ङा जन्‍तु कली सेउ पपाइक्‍बाक्‍त। मेको ङोंइती ङा जन्‍तु चहिं तेको बाक्‍त देंशा हना, आ बेक्‍चा ङा गार साशो जन्‍तु बाक्‍त।

प्रकाश 14:14

मिनु नोले गो बुश गोस्‍स का ताता। मिनु मेको गोस्‍स तारी मुर का निश्‍शो खोदेंशो ताता। मेको आ पियामी सुन के सिरपेच गुप्‍शा ङा मिन आ गुइमी हेश्‍शो गुये का ग्‍याइश्‍शो ताता। दानीएल ७:१३; मर्कूस १३:२६

प्रकाश 14:16

मिनु गोस्‍सुमी निप्‍बमी गुये शेशा, रागी कली मीशो बाली खोदेंशो पा रिक्‍तु।

प्रकाश 14:17

मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मेको नु यो हेश्‍शो गुये का बाक्‍त।

प्रकाश 14:18

मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।

प्रकाश 15:6

मेकेर रे मेको ७ जना श्‍येत गेब परमप्रभु यावे आ स्‍वर्ग ङा गेय पाइबपुकी ग्रूतेक्‍म। मेकोपुकी रिम्‍शो टल्‍केशो बुश वा फेक्‍शा, सुन के पेटी किप्‍शो बाक्‍तेक्‍म।

प्रकाश 16:17

मिनु नोले ङा परमप्रभु यावे आ स्‍वर्ग ङा गेय पाइबमी आ कुरशो डप्‍का फशेमी मोइक्‍तु। मिनु मेकोमी मोदानु, परमप्रभु यावे आ खिं रे नु आ नित्‍तीक रे ठेयब सेंदा कामी “मुल नुप्‍त” देंशो नेंता।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।