प्रकाश 14:14 - Sunuwar Bible

¹⁴ मिनु नोले गो बुश गोस्‍स का ताता। मिनु मेको गोस्‍स तारी मुर का निश्‍शो खोदेंशो ताता। मेको आ पियामी सुन के सिरपेच गुप्‍शा ङा मिन आ गुइमी हेश्‍शो गुये का ग्‍याइश्‍शो ताता। दानीएल ७:१३; मर्कूस १३:२६

प्रकाश 14:14 ပူးပေါင်းရင်းမြစ်များ

भजन संग्रह 21:3

गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।

भजन संग्रह 97:2

मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

इजीकीएल 1:26

मेको आन पिया इर गे बाक्‍तीकेमी ठेयब नित्‍तीक का खोदेंशो बाक्‍त। मेको कोव़ङुनु नीर हीरा खोदेंशो तांइसाक्‍व। मिनु मेको ठेयब नित्‍तीकेम निप्‍ब आ रां मुर आ खोदेंशो बाक्‍त। प्रस्‍थान २४:१०; प्रकाश ४:२-३; यसैया ६:१

दानीएल 7:13

मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मर्कूस 4:29

तन्‍न मीमेनु, रिक्‍ब। मारदे हना रिक्‍ची जाक्‍शो बाक्‍ब” देंमाक्‍त।

लूका 21:27

मिनु रागीम जरमेशो कली गोस्‍स तारी बाक्‍शा, सक्ति नु ठेयब छेङछेङमी यिशो ताइनीम। दानीएल ७:१३

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

प्रकाश 1:13

मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७

प्रकाश 10:1

मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।

प्रकाश 11:17

मिनु मेकोपुकीमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। गे मुल बाक्‍नीनी, ङोंइती यो बाक्‍तीनी। इन ठेयब सक्तिमी सासन पचा गोइतीनी।

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

प्रकाश 6:2

मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८