प्रकाश 14:12 - Sunuwar Bible

¹² मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। प्रकाश १३:१०

प्रकाश 14:12 ပူးပေါင်းရင်းမြစ်များ

२ तिमोथी 4:7

गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

प्रकाश 12:17

मिनु मेको ठेयब बुस्‍सुमी मीश मुर प्रोक्‍शो तशा, गाइश्‍शा, मेको मीश मुर आ चच युइ नु राम्‍शी पथ लत। आ चच युइ चहिं सु नम देंशा हना, परमप्रभु यावे आ शेंशो लोव़ टीब नु येसु कली थमा सुइश्‍शा, आ लोव़ पाइब नम।

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

प्रकाश 2:13

“इन बाक्‍तीक सहरम सैतान आ नित्‍तीके बाक्‍ब, दे गो तुइक्‍नुङ। गेपुकीमी ‘गो येसु ख्रीस्‍त आ मुर नकी’ दे आं कली थमा सुइक्‍चा मप्रोंइनी। मिनु इन सहरम सैतान आ नित्‍तीके बाक्‍मेनु, अन्‍टीपास माइश्‍शो आं कली मप्रोंइथु, थमा सुइक्‍ब नु आं लोव़ शेंब बाक्‍त। मिनु मुरुमी मेको कली सैतान आ बाक्‍तीकेमी बाक्‍शा, साइक्‍तेक्‍म हना यो, गे आं कली थमा सुइक्‍चा मप्रोंइनी।

प्रकाश 3:10

मिनु गे शुश श्‍येत फाल्‍शा, आं देंशो लोव़ मप्रोंइनी। मोपतीके रागी नेल्‍ल ङा मुर आन थुं थाम्‍चा कली जाक्‍शो श्‍येत रे प्रोंइनन्‍नी। प्रकाश १४:१२; मत्ती ६:१३

प्रकाश 3:8

मेकोमी “गो इन पशो गेय तुइक्‍नुङ। गे इन सक्ति आइक्‍च बाक्‍त हना यो, आं देंशो टीतीनी। मिनु गेपुकीमी ‘येसु ख्रीस्‍त कली मतुइक्‍नुङ’ दे गेनायो मदेंनी। मोपतीके गो इन कली लाप्‍चो रोक्‍शा वोइक्‍ता। मेको सुइमी चोक्‍ने मचाप्‍नीम।