प्रकाश 14:1 - Sunuwar Bible

¹ मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२

प्रकाश 14:1 ပူးပေါင်းရင်းမြစ်များ

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

यसैया 49:14

तन्‍न सियोनमी “आं परमप्रभु यावे, परमप्रभुम आं कली प्रोंइशा प्रेंताक्‍यी” देंत।

येरमीया 1:11

मिनु परमप्रभु यावेमी आं कली “येरमीया, गे मार, तवी?” देंत। मिनु गो “देसी बदाम रवा आ राशी का ताता” देंती।

इजीकीएल 1:4

मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

इजीकीएल 10:1

मिनु कोव़ङुनु, मेको करूब आन पिया आन तारी ङा बाक्‍तीके आ इर नीर माइश्‍शो हीरा खोदेंशो बाक्‍त। मेको ठेयब नित्‍तीक का खोदेंशो बाक्‍त।

इजीकीएल 10:9

मिनु कोव़ङुनु, मेकेर ४ ओटा गुगील करूब आन नेक्‍था बाक्‍तेक्‍म। करूब का आ नेक्‍था गुगील का बाक्‍त। मेको गुगीलपुकी टल्‍केशो पित मनी माइश्‍शो हीरा खोदेंशो बाक्‍तेक्‍म।

इजीकीएल 2:9

मिनु गो कोव़ङुनु, गुइ का आं गे दिंशो ताता। मेकेर ब्रेक्‍शा ओल्‍शो कागज का बाक्‍त। प्रकाश १०:८

इजीकीएल 44:4

मिनु नोले मेकोमी आं कली उत्तर गे ङा ठेयब लाप्‍चो रे पा परमप्रभु यावे आ खिं आ ङोंइती चाक्‍ती। मिनु मेको कोव़ङुनु, परमप्रभु यावे आ छेङछेङम मेको आ खिं ब्रीशो बाक्‍त। मिनु गो खुम्‍की पा बाप्‍ती।

इजीकीएल 8:7

मिनु मेकोम आं कली लाङगा ङा ओव़तीकेम चाक्‍दीत्‍ती। मिनु गो मेकेर ङा गारोम पोव़ला का ता‍ता।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

दानीएल 12:5

मिनु गो, दानीएलमी, अर्को मुर निक्‍शी तातासी। का खोला आ ओंथ हांबु नु अर्को खोला आ आइक्‍ची हांबुम बाक्‍ताक्‍स।

योएल 2:32

मेना परमप्रभु यावे आ नें थोइब नेल्‍ल ब्रोंइचा ताइनीम। मारदे हना परमप्रभु यावेमी देंशो खोदेंशो पा सियोन डांडा नु यरूसलेममी परमप्रभु यावेमी ब्रेश्‍शोपुकी ब्रोंइचा ताइनीम। मिनु मेको प्रोंइशो आन दातेमी परमप्रभु यावे आ योव़शो मुर बाक्‍नीम। रोमी १०:१३; ओबदिया १७

आमोस 8:2

मिनु मेकोमी आं कली “आमोस, गे मार तवी?” दे हिल्‍लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्‍त गाप्‍त। मुल गो मेको आन नेक्‍था बाक्‍शा, मार मार पाइनीमी, मेको कोव़नुङमी। आमोस ७:८

मीका 4:7

मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।

जकरिया 4:2

मिनु मेकोमी आं कली “गे मार तवी?” दे हिल्‍लो प‍ती। मिनु गो “सुन के बत्ती दातीक ता‍ता। मेको आ तारी बोस का बाक्‍त। मेको तारी ७ ओटा बत्ती बाक्‍तेक्‍म। मेको बत्ती नेल्‍लेमी दातीक सल्‍दो वोइश्‍शो बाक्‍तेक्‍म। येरमीया १:११-१३; आमोस ८:२; प्रस्‍थान २५:३१-४०

लूका 12:8

सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको आं मुर बाक्‍ब’ देंब।

रोमी 9:33

मिनु “गो सियोनम फुल्‍लु का वोइक्‍नुङ। मेको फुल्‍लुमी मुर आन कली दाइल पपाइक्‍ब। मिनु शुश मुर मेको फुल्‍लुम थोक्‍सीशा राम्‍सीनीम। सुमी मेको कली थमा सुइक्‍बा, मेको खतम मदुम्‍ब” दे ब्रेक्‍शो बाक्‍ब। यसैया ८:१४; यसैया २८:१६

प्रकाश 14:14

मिनु नोले गो बुश गोस्‍स का ताता। मिनु मेको गोस्‍स तारी मुर का निश्‍शो खोदेंशो ताता। मेको आ पियामी सुन के सिरपेच गुप्‍शा ङा मिन आ गुइमी हेश्‍शो गुये का ग्‍याइश्‍शो ताता। दानीएल ७:१३; मर्कूस १३:२६

प्रकाश 14:3

मिनु मेको ठेयब ताप्‍तीके ताप्‍बपुकीमी ठेयब नित्‍तीक आ ङोंइती, मेको ४ ओटा सेस जन्‍तु नु शेंब खाल्‍पा आन ङोंइती नक कुम्‍सो का पाम्‍तेक्‍म। मेको कुम्‍सो सुइमी शेंसीने मचबेम। तन्‍न मेको लाख का ४४ हजार मुरुम ला मेको कुम्‍सो शेंसीने चाप्‍तेक्‍म।

प्रकाश 15:5

मिनु नोले गो स्‍वर्गमी परमप्रभु यावे आ खिं रोक्‍शो ताता। प्रकाश ११:१९

प्रकाश 22:4

मेकोपुकीमी परमप्रभु यावे आ कुल ताइनीम। मेको आन कुप्‍फीमी परमप्रभु यावे आ नें ब्रेक्‍शो बाक्‍ब। प्रकाश ३:१२

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०

प्रकाश 6:8

मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। इजीकीएल १४:२१