प्रकाश 13:3 - Sunuwar Bible

³ मिनु मेको जन्‍तु आ ७ ओटा पिया ङा का साइक्‍चा ङा पा क्‍योरशो खोदेंशो ताता। तन्‍न आ ठेयब गार साशो बाक्‍त। मिनु रागी रागी ङा मुर नेल्‍ल मेको जन्‍तु तशा, छक लाक्‍शा, आ नोले खोइक्‍तेक्‍म।

प्रकाश 13:3 ပူးပေါင်းရင်းမြစ်များ

इजीकीएल 30:24

गो बेबीलोन ङा पिप आ गुइ सक्ति पाइश्‍शो सेल्‍नुङ। मिनु आं तरवार मेको कली गेनुङ। तन्‍न गो फाराओ आ गुइ जिक्‍नुङ। मिनु मेको, मेको आ ङोंइती बेक्‍चा ङा पा गार दुम्‍शो मुर खोदेंशो पा, नक्‍सुर पाइब। इजीकीएल २९:२०

लूका 2:1

मिनु मेना सिजर अगस्‍टसमी “रागी नेल्‍ल ङा मुर आन नें ब्रेक्‍शा हिक्‍चा नमी” दे हुकुम पवा बाक्‍त।

यूहन्‍ना 12:19

मिनु फरिसीपुकीमी “गोपुकी मारेइ पने मचाप्‍नय। कोव़ङीन, मुर नेल्‍ल मेको आ नोले खोइक्‍नीम” देंमुम्‍तेक्‍म। यूहन्‍ना ११:४८

प्रेरित 8:13

शुशेमी थमा सुइश्‍शो तशा, मेको चटक पा गाक्‍ब सिमोन यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु फिलीप कली मप्रोंइथु, काथा गाक्‍बा दुम्‍माक्‍त। फिलीपमी चिन्‍ड नु छक लाक्‍चा ङा गेय कोंइदानु, सिमोन यो छक लाक्‍बाक्‍माक्‍त।

प्रकाश 13:12

ङोंइती ङा जन्‍तु नु बाक्‍शा, मेको ङोंइती ङा जन्‍तु आ अधिकार यो पाइक्‍बाक्‍त। मिनु मेकोमी रागी ङा मुर नेल्‍ल आन कली ङोंइती ङा जन्‍तु कली सेउ पपाइक्‍बाक्‍त। मेको ङोंइती ङा जन्‍तु चहिं तेको बाक्‍त देंशा हना, आ बेक्‍चा ङा गार साशो जन्‍तु बाक्‍त।

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 17:10

मिनु मेको ७ ओटा डांडापुकी ७ ओटा पिप यो नम। मेको रे ५ ओटा बेक्‍शा लाक्‍तेक्‍म। मिनु कामी सासन पना पन बाक्‍ब। अर्को लीशो का चहिं मुल सम्‍म मजाक्‍शो बाक्‍त। मिनु नोले जाक्‍शा ङा मिन, छिन का ला सासन पाइब।

प्रकाश 17:11

मिनु मेको ङोंइती बाक्‍शो नु मुल मबाक्‍शो जन्‍तु चहिं मेको अर्को ७ ओटा पिप आन नोले जाक्‍शो बाक्‍ब। मिनु नोले जाक्‍शो यो, मेको ७ ओटा रे जाक्‍ब। मिनु मेको नरक लाइब।

प्रकाश 17:13

मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।

प्रकाश 17:17

मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 17:8

इ तशो जन्‍तु ङोंइती बाक्‍त, मुल चहिं मबा। तन्‍न नोले पुं मपाइश्‍शो ढोडोङगा रे कुशा खतम दुम्‍ब। रागी सेल्‍चा रे ङा ब्रोंइतीक किताबमी आन नें मब्रेक्‍शो मुरपुकी चहिं मेको जन्‍तु तशा छक लाक्‍नीम। मारदे हना मेको जन्‍तु ङोंइती बाक्‍त, मुल मबा, नोले जाक्‍ब।