प्रकाश 13:2 - Sunuwar Bible2 मिनु आं तशो जन्तु जोइ खोदेंशो बाक्त। आ खोइल चहिं वां के खोदेंशो बाक्त। आ शोव़ गुप्स आ शोव़ खोदेंशो बाक्त। मिनु मेको ठेयब बुस्सुमी आ सक्ति आ नित्तीके नु आ ठेयब अधिकार मेको जन्तु कली गेप्तु। အခန်းကိုကြည့်ပါ။ |
प्रकाश 13:2
27 ပူးပေါင်းရင်းမြစ်များ
मोपतीके परमप्रभुमी “ब्वाकी ङा गुप्स कामी मेको आन कली ग्राम्शा साइक्ब। गोरशो रागी ङा फर कामी मेको आन कली खतम सेल्ब। जोइ का मेको आन सहर कोव़ना कोव़न बाक्शो बाक्ब। सु मेकेर रे ग्रूबा, मेकोमी मेको कली क्राइश्शा चोकटा लाम्टा सेल्ब। मारदे हना मेकोपुकी शुश हेंथे गाक्ब बाक्नीम। मेको आन मटितीके ठेयब बाक्ब” देंत। येरमीया ४:७
मोपा मेकोपुकी लडाइ पामेनु, मेको ठेयब जन्तु नु जोल पा परमप्रभु यावे आ लोव़ पखु पाइब आस कली ग्याइक्ताक्म। परमप्रभु यावे आ लोव़ पखु पाइब चहिं ठेयब जन्तु नु बाक्शा, छक लाक्चा ङा गेय पाइब बाक्त। मोपा मेको ठेयब जन्तु नु आ मूर्ति कली पूजा पाइब नु आ चिन्ड वोइक्ब आन कली मरिम्शो लां शेंशा खोइक्पदा बाक्त। मिनु मेको निक्शी सेसीन गन्धक नु ठेयब मी ब्रतीकेमी हुम्चा पुंइसाक्स। प्रकाश १३:११-१७; २थिस्सलोनिकी २:८
“इन बाक्तीक सहरम सैतान आ नित्तीके बाक्ब, दे गो तुइक्नुङ। गेपुकीमी ‘गो येसु ख्रीस्त आ मुर नकी’ दे आं कली थमा सुइक्चा मप्रोंइनी। मिनु इन सहरम सैतान आ नित्तीके बाक्मेनु, अन्टीपास माइश्शो आं कली मप्रोंइथु, थमा सुइक्ब नु आं लोव़ शेंब बाक्त। मिनु मुरुमी मेको कली सैतान आ बाक्तीकेमी बाक्शा, साइक्तेक्म हना यो, गे आं कली थमा सुइक्चा मप्रोंइनी।
मिनु मेकोमी ठेयब बुस्स कली ग्याइश्शा पाइक्ताक्व। मेको ठेयब बुस्स आ नें मार बाक्त देंशा हना, साइ ङोंइती ङा बुस्स, दियाबलस नु सैतान मेको आ नें बाक्त। मिनु मेको परमप्रभु यावे आ स्वर्ग ङा गेय पाइबमी मेको कली हजार का बर्स सम्म पाइक्ताक्व। दियाबलस आ देंशो “मुर आन कली खाल्ब” बाक्ब। प्रकाश १२:९
ကြော်ငြာတွေ