प्रकाश 13:16 - Sunuwar Bible16 मिनु मेको जन्तुम मार अर्को गेय पाप्तु देंशा हना, मेकोमी ठेयब नु आइक्च, शोंप पाइश्शो नु प्रुङग, वाइलीम वाइल नु मुर नेल्ल आन कली कि ग्युरा गुइमी कि कुप्फीमी चिन्ड वोइक्पाइक्तु। प्रकाश १९:२० အခန်းကိုကြည့်ပါ။ |
प्रकाश 13:16
26 ပူးပေါင်းရင်းမြစ်များ
मुल रे ग्रीक नु यहूदी ख्रोइक्तीक चिनु ख्रोइक्पांइसीशो नु मख्रोइक्पांइसीशो मुरपुकी उइक्थ उइक्थ दुम्तेक्म। रागी रागी ङा मरुप्चा ङा लोव़ पाइबपुकी, ब्वाकी मुरपुकी, वाइलीम वाइलपुकी नु ठेयब मुर उइक्थ उइक्थ दुम्तेक्म। ख्रीस्त नेल्ल क्येङा ठेयब बाक्ब। मिनु नेल्ल आन आगामी बाक्ब। गलाती ३:२८
मिनु रागी रागी ङा मुरपुकी गाइक्ताक्म। मिनु मेको आन पर्बम गाइक्ताक्नी। बेक्शो मुर आन कली निसाफ पची ना दुम्त। मिनु इन लोव़ पाइब, इन नोले खोइक्ब, इन नें कली मान पा हिंब, आइक्च नु ठेयब मुर नेल्ल आन कली इनाम गेची ना दुम्त। मिनु गे रागी कली बिग्रेब मुर आन कली बिग्रेथ जाक्तीनी” दे परमप्रभु यावे कली देंतेक्म। भजन संग्रह २:३
मिनु गो सिसा नु मी ब्वाइश्शो दोम्ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्तीके शेशा, राप्शो तातामी। मेको मुरपुकी चहिं सु बाक्तेक्म देंशा हना, मेकोपुकीमी मेको जन्तु कली ग्राशो बाक्तेक्मे। दोपा ग्रातेक्म देंशा हना, जन्तु नु जन्तु आ मूर्ति कली सेउ मपामे नु आ नें आ हिक्तीके चिन्ड यो मवोइक्पाइक्सीशो बाक्तेक्मे। प्रकाश ४:६
मोपा मेकोपुकी लडाइ पामेनु, मेको ठेयब जन्तु नु जोल पा परमप्रभु यावे आ लोव़ पखु पाइब आस कली ग्याइक्ताक्म। परमप्रभु यावे आ लोव़ पखु पाइब चहिं ठेयब जन्तु नु बाक्शा, छक लाक्चा ङा गेय पाइब बाक्त। मोपा मेको ठेयब जन्तु नु आ मूर्ति कली पूजा पाइब नु आ चिन्ड वोइक्ब आन कली मरिम्शो लां शेंशा खोइक्पदा बाक्त। मिनु मेको निक्शी सेसीन गन्धक नु ठेयब मी ब्रतीकेमी हुम्चा पुंइसाक्स। प्रकाश १३:११-१७; २थिस्सलोनिकी २:८
गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०
मिनु नोले गो नित्तीकपुकी ताता। मेको नित्तीकपुकीमी मुर निश्शो बाक्तेक्म। परमप्रभु यावेमी मेको आन कली निसाफ पचा गेप्तु। मिनु नोले गो येसु कली थमा सुइश्शा, आ लोव़ नु परमप्रभु यावे आ लोव़ पतीके आन पिया ख्रोइक्चा पुंइसीब आन कली तातामी। मेकोपुकीमी ठेयब जन्तु नु मेको आ मूर्ति कली पूजा मपामे बाक्त। मिनु मेको ठेयब जन्तु आ छाप आन कुप्फीम नु आन गुइमी यो वोइक्चा मबिस्समा बाक्त। मिनु मेको लेंशा ब्रोंइशा, ख्रीस्त नु हजार का बर्स सम्म सासन पाम्तेक्म। प्रकाश ३:२१; मत्ती १९:२८; १कोरिन्थी ६:२
ကြော်ငြာတွေ