प्रकाश 13:1 - Sunuwar Bible

¹ मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 13:1 ပူးပေါင်းရင်းမြစ်များ

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

दानीएल 2:41

मिनु इन तशो फलाम नु खप ब्‍वांइसीशो खोइली नु ब्रेप्‍चोपुकी खोदेंशो पा ब्राशो राज्‍य का यो जाक्‍ब। तन्‍न मेको राज्‍य फलाम खोदेंशो इच्‍का बोल्‍यो बाक्‍ब। मेको फलाम खप ब्‍वांइसीशो बाक्‍त हना यो, मेको फलाम खोदेंशो पा इच्‍का बोल्‍यो बाक्‍ब।

प्रकाश 11:7

मिनु मेको निक्‍शीमी परमप्रभु यावे आ लोव़ थुम्‍से नोले, मेको पुं मपाइश्‍शो ढोडोङगा रे ठेयब जन्‍तु कुशा, मेको निक्‍शी नु राम्‍शी पा ग्रात। ग्राशा ङा मिन मेको आस कली साइक्‍तु। प्रकाश १३:३; प्रकाश १३:७

प्रकाश 12:3

मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।

प्रकाश 13:11

मिनु गो खप रे अर्को जन्‍तु का ग्रूशो ताता। मेको के पाठा के खोदेंशो ग्रोव़ निक्‍शी बाक्‍त। मिनु मेकोमी ठेयब बुस्‍स खोदेंशो पा लोव़ पाइबाक्‍त।

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 13:15

मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।

प्रकाश 15:2

मिनु गो सिसा नु मी ब्‍वाइश्‍शो दोम्‍ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्‍तीके शेशा, राप्‍शो तातामी। मेको मुरपुकी चहिं सु बाक्‍तेक्‍म देंशा हना, मेकोपुकीमी मेको जन्‍तु कली ग्राशो बाक्‍तेक्‍मे। दोपा ग्रातेक्‍म देंशा हना, जन्‍तु नु जन्‍तु आ मूर्ति कली सेउ मपामे नु आ नें आ हिक्‍तीके चिन्‍ड यो मवोइक्‍पाइक्‍सीशो बाक्‍तेक्‍मे। प्रकाश ४:६

प्रकाश 16:13

मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। प्रकाश १२:३

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।

प्रकाश 17:3

मिनु मेकोमी आं कली परमप्रभु यावे आ सोक्‍तीमी बाक्‍शा, मुर मबाक्‍तीकेमी लाइक्‍ती। मिनु गो मीश मुर का लल जन्‍तु तारी निश्‍शो ताता। मेको जन्‍तु दोदेंशो तांइसाक्‍व देंशा हना, आ रां नेल्‍ल परमप्रभु यावे कली मरिम्‍शो लोव़ ब्रेक्‍शा वोइश्‍शो बाक्‍त। मेको ७ ओटा पिया नु १० ओटा ग्रोव़ पाइश्‍शो बाक्‍त।

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

प्रकाश 19:19

मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। प्रकाश १६:१४,१६