प्रकाश 12:6 - Sunuwar Bible

⁶ मिनु मेको मीश मुर आल थिशा नोले गोरशो रागीमी प्रोक्‍त। मेकेर परमप्रभु यावेमी बाक्‍तीके ठीक पशो बाक्‍त। मिनु मेको कली हजार का सहे निक्‍शी ६० नाक्‍त थुल्‍तेक्‍म। प्रकाश ११:३

प्रकाश 12:6 ပူးပေါင်းရင်းမြစ်များ

दानीएल 12:12

सु सु हजार का सहे सां ३५ नाक्‍त सम्‍म फाल्‍शा बाक्‍नीमी, मेको ग्‍येरसीशो मुर बाक्‍‍नीम।

मत्ती 4:11

मिनु सैतानमी येसु कली प्रोंइशा लमाक्‍त। मिनु मार दुम्‍माक्‍त देंशा हना, परमप्रभु यावे आ स्‍वर्ग ङा गेय पाइबपुकी जाक्‍शा, येसु कली गेय पामे बाक्‍त। यूहन्‍ना १:५१; हिब्रू १:६,१४

प्रकाश 12:14

मिनु मेको मीश मुरुमी ठेयब ककाकुली आ फ्रां निक्‍शी ताक्‍तु। मारदे ताक्‍तु देंशा हना, मेको ठेयब बुस्‍स रे ब्रोंइशा, गोरशो रागीमी बेरशा, प्रोक्‍चा कली ताक्‍तु। मेको गोरशो रागीमी परमप्रभु यावेमी आ दाक्‍ची ना सम्‍म मेकेर थुल्‍शो बाक्‍त।

प्रकाश 12:4

मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०

प्रकाश 13:5

मिनु मेको जन्‍तु कली ठेयब लेश्‍शा, ब्‍वाक्‍चा नु परमप्रभु आ पर्बम मरिम्‍शो लोव़ पचा कली शोव़ गेशो बाक्‍त। मेको कली ४२ महिना सम्‍म सासन पचा कली अधिकार गेशो बाक्‍त। प्रकाश ११:२

प्रकाश 17:3

मिनु मेकोमी आं कली परमप्रभु यावे आ सोक्‍तीमी बाक्‍शा, मुर मबाक्‍तीकेमी लाइक्‍ती। मिनु गो मीश मुर का लल जन्‍तु तारी निश्‍शो ताता। मेको जन्‍तु दोदेंशो तांइसाक्‍व देंशा हना, आ रां नेल्‍ल परमप्रभु यावे कली मरिम्‍शो लोव़ ब्रेक्‍शा वोइश्‍शो बाक्‍त। मेको ७ ओटा पिया नु १० ओटा ग्रोव़ पाइश्‍शो बाक्‍त।