प्रकाश 12:5 - Sunuwar Bible

⁵ मिनु मेको मीश मुरुमी वोंइश आल का थित। मेको वोंइश आल नोले रागी ङा मुर आन कली फलाम के कोक्‍केमी सासन पाइब दुम्‍ब। मिनु परमप्रभु यावे आ स्‍वर्ग ङा गेय पाइबपुकीमी मेको वोंइश आल कली परमप्रभु यावे आ ठेयब नित्‍तीकेम लाइश्‍शा वोइक्‍तेक्‍म। भजन संग्रह २:९

प्रकाश 12:5 ပူးပေါင်းရင်းမြစ်များ

यसैया 66:7

मिनु परमप्रभु यावेमी “सियोनमी सुत्‍केरी रोइ पचा क्‍येङा ङोंइती आल थिप्‍तु। सुत्‍केरी रोइ पचा क्‍येङा ङोंइती तौ का थिप्‍तु।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

येरमीया 31:22

गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।

मीका 5:3

मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३

मत्ती 1:25

मरीयम नु मइप्‍थु, तौ का थि‍माक्‍त। मिनु मेको कली येसु नें वोदा बाक्‍त।

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

२ कोरिन्‍थी 12:2

गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।

२ कोरिन्‍थी 12:4

मिनु मेको मुरुमी ख्रुइश्‍शो लोव़ नेंतु। मेको लोव़ मुरुम देंचा मदुम्‍ब।

प्रकाश 11:12

मिनु सरीङ रे ठेयब सेंदामी मेको निक्‍शी आस कली “एक कुस” देंशो नेंताक्‍स। मिनु गोस्‍सुमी गिल्‍सीशा, इर सरीङ लाम्‍ताक्‍से। मेको आस जोरी सत्रुपुकीमी मेको आस कली सरीङ गे लशो ताम्‍तेक्‍म।

प्रकाश 12:13

मिनु मेको ठेयब बुस्‍सुम आंम कली रागीमी तोक्‍शो तशा, मेको वोंइश आल थीब मीश मुर कली “साइक्‍नुङ” दे खेदा पाप्‍तु।

प्रकाश 12:2

मिनु मेकोमी कोव़ज कुरशो बाक्‍त। मोपतीके सुत्‍केरी रोइम श्‍येत जशा, आल थिचा कली ग्रीशो बाक्‍त।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०