प्रकाश 12:3 - Sunuwar Bible

³ मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।

प्रकाश 12:3 ပူးပေါင်းရင်းမြစ်များ

यसैया 27:1

मेको नाक्‍ती परमप्रभु यावेमी आ हिंचा ङा, ठेयब नु सक्ति पाइश्‍शो तरवारमी खेदा पना पन लेव्‍याथन माइश्‍शो बुस्‍स कली सजाइ गेब। ग्रेशा गाक्‍ब बुस्‍स लेव्‍याथन नु समुन्‍द्रम बाक्‍ब ठेयब जन्‍तु कली साइक्‍ब। भजन संग्रह ७४:१४

यसैया 51:9

परमप्रभु यावे सेंसीन, सेंसीन। सक्ति पाइश्‍शो दुमीन। साइ ङोंइती आंइ किकी पिपी आन कली पशो खोदेंशो पा, पने। साइ गे राहाब माइश्‍शो समुन्‍द्र ङा जन्‍तु कली मसाइक्‍नी ङा? ठेयब बुस्‍स कली मतूदीनी ङा? भजन संग्रह ८९:११

यसैया 9:15

खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।

दानीएल 2:41

मिनु इन तशो फलाम नु खप ब्‍वांइसीशो खोइली नु ब्रेप्‍चोपुकी खोदेंशो पा ब्राशो राज्‍य का यो जाक्‍ब। तन्‍न मेको राज्‍य फलाम खोदेंशो इच्‍का बोल्‍यो बाक्‍ब। मेको फलाम खप ब्‍वांइसीशो बाक्‍त हना यो, मेको फलाम खोदेंशो पा इच्‍का बोल्‍यो बाक्‍ब।

दानीएल 2:42

मिनु खोइली ङा ब्रेप्‍चोपुकी फलाम नु खप ब्‍वांइसीशो बुद पा मेको राज्‍य सक्ति पाइश्‍शो बोल्‍यो नु सक्ति मपाइश्‍शो बाक्‍ब।

दानीएल 7:20

मिनु मेको आ पियामी बाक्‍शो १० ओटा ग्रोव़ नु अर्को ग्रोव़ का आ पर्बम रुप्‍चा थुं पाता। मेको ग्रोव़ का ग्रूमेनु, ङोंइती ङा ग्रोव़ सां एत्‍तेक्‍म। मेको ग्रूशो ग्रोव़ के मिक्‍च नु ठेयब लेश्‍शो लोव़ पतीक शोव़ बाक्‍त। मिनु मेको अरु ग्रोव़ आन क्‍येङा ठेयब बाक्‍त। मेको आ पर्बम यो रुप्‍चा थुं पाता।

दानीएल 7:24

मिनु मेको १० ओटा ग्रोव़ आ अर्थ मार बाक्‍ब देंशा हना, मेको राज्‍य रे १० जना पिप ग्रूनीम। मिनु मेको आन नोले अर्को पिप का ग्रूब। मेको ङोंइती ङा पिप खोदेंशो मदुम्‍ब। मिनु मेकोमी पिप सां आन कली फ्रुइक्‍ब। प्रकाश १७:१२

प्रकाश 12:1

मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।

प्रकाश 12:13

मिनु मेको ठेयब बुस्‍सुम आंम कली रागीमी तोक्‍शो तशा, मेको वोंइश आल थीब मीश मुर कली “साइक्‍नुङ” दे खेदा पाप्‍तु।

प्रकाश 12:17

मिनु मेको ठेयब बुस्‍सुमी मीश मुर प्रोक्‍शो तशा, गाइश्‍शा, मेको मीश मुर आ चच युइ नु राम्‍शी पथ लत। आ चच युइ चहिं सु नम देंशा हना, परमप्रभु यावे आ शेंशो लोव़ टीब नु येसु कली थमा सुइश्‍शा, आ लोव़ पाइब नम।

प्रकाश 12:4

मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०

प्रकाश 12:7

मिनु नोले स्‍वर्गमी परमप्रभु यावे आ ठेयब स्‍वर्ग ङा गेय पाइब मिकाएल माइश्‍शो नु आ गेय पाइबपुकी गारशा, ठेयब बुस्‍स नु आ गेय पाइबपुकी नु लडाइ पथ लाम्‍तेक्‍म।

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:1

मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 13:2

मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।

प्रकाश 13:4

ठेयब बुस्‍सुमी मेको जन्‍तु कली आ अधिकार गेतीके मुर नेल्‍लेमी ठेयब बुस्‍स कली खुम्‍की पा सेउ पाम्‍तेक्‍म। मिनु मेको जन्‍तु कली यो खुम्‍की पा “एको जन्‍तु खोदेंशो ठेयब सु बाक्‍मे? सु एको नु जिशा ग्राने चाप्‍बा?” दे सेउ पाम्‍तेक्‍म।

प्रकाश 15:1

मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। प्रकाश १६:१

प्रकाश 16:13

मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। प्रकाश १२:३

प्रकाश 17:12

मिनु मेको इ तशो १० ओटा ग्रोव़ चहिं मुल सम्‍म सासन पचा मतशो १० जना पिप नम। मिनु मेको आन कली नु ठेयब जन्‍तु कली घन्‍टा का पिप आन अधिकार गेशो बाक्‍ब। प्रकाश १३:१

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।

प्रकाश 17:7

परमप्रभु यावे आ स्‍वर्ग ङा गेय पाइबमी चहिं आं कली “गे मारदे छक लाक्‍ङे? मेको मीश मुर नु मेको आ ङोइश्‍शो ७ ओटा पिया नु १० ओटा ग्रोव़ पाइश्‍शो जन्‍तु आस ख्रुइश्‍शो लोव़ गो इ कली शेंनुङ।

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 20:2

मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब। प्रकाश १२:९