प्रकाश 12:15 - Sunuwar Bible

¹⁵ मिनु मेको ठेयब बुस्‍सुमी “मेको मीश मुर कली योल्‍दल” दे आ शोव़ रे खोला खोदेंशो पा शुश ब्‍वाक्‍कु ग्रुंइताक्‍व।

प्रकाश 12:15 ပူးပေါင်းရင်းမြစ်များ

उत्पत्ती 3:1

मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२

भजन संग्रह 18:4

गो साइक्‍चा पुंइसीचशो दुम्‍शा, हेरा बेक्‍ती। आं कली साइक्‍ब ब्‍वाक्‍कु आ छाल खोदेंशो पा जाक्‍शा, हिंपाइक्‍ती। भजन संग्रह ११६:३

भजन संग्रह 65:7

गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। भजन संग्रह ८९:१०

यसैया 28:2

कोव़ङीन, परमप्रभु नु बोल्‍यो नु सक्ति पाइश्‍शो का बाक्‍ब। मेको मुप्‍स ब्‍वांइसीशो फश गिवार खोदेंशो बाक्‍ब। शुश रेउ ब्‍वांइसीशो फश गिवार खोदेंशो बाक्‍ब। परमप्रभुमी मेको कली रागी तार तोक्‍ब। २राजा १७:५-६

यसैया 59:19

मिनु नां पेरतीकेमी बाक्‍ब मुरपुकीमी परमप्रभु यावे कली मान पा हिंनीम। नां दाप्‍तीक ङा मुरपुकी परमप्रभु यावे आ छेङछेङ तशा, मान पा हिंनीम। मारदे हना मेको परमप्रभु यावे बारशो खोला खोदेंशो पा जाक्‍ब। मिनु आ फशेमी मेको आन कली मुइश्‍शा खेरब।

यसैया 8:7

मोपतीके गो यहूदा ङा मुर आन कली श्‍येत गेपाइक्‍चा कली युफ्रेटीस खोला ङा ब्‍वाक्‍कु खोदेंशो पा अस्‍सुर ङा पिप नु आ लडाइ पाइब शुश आन कली चाक्‍नुङमी। मिनु मेको खोला बारशो खोदेंशो पा आ एर ओंथ नेल्‍ल सुम्‍नीम।

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

प्रकाश 12:16

रागीमी चहिं मेको मीश मुर कली वारच पाप्‍तु। दोपा वारच पाप्‍तु देंशा हना, रागी आ शोव़ पाक्‍शा, मेको ठेयब बुस्‍स आ शोव़ रे ग्रूशो खोला कली दाक्‍तु।

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 17:15

मिनु मेको परमप्रभु यावे आ स्‍वर्ग ङा गेय पाइबमी लेंशा “तेल्‍लेम आ नेक्‍था ङा शुश ब्‍वाक्‍कु, मार बाक्‍ब देंशा हना, मेको मुरपुकी नम। मिनु मेको शुश मुर आन हुल, रागी रागी ङा मुर नु शुश लोव़ ब्‍वाक्‍ब मुर बाक्‍नीम। यसैया ८:७; येरमीया ४७:२

प्रकाश 20:2

मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब। प्रकाश १२:९