प्रकाश 12:12 - Sunuwar Bible

¹² मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।

प्रकाश 12:12 ပူးပေါင်းရင်းမြစ်များ

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

लूका 15:10

मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

हिब्रू 10:37

मार ब्रेक्‍शो बाक्‍ब देंशा हना, लोव़ कामी “ ‘गो जाक्‍नुङ’ देंबमी मजाक्‍थु मप्रोंइब, देश पा यो मबाक्‍ब।

२ पत्रुस 3:8

मिनु आं दाक्‍शो लोक्‍बपुकी, प्रभु कली नाक्‍त का हजार का बर्स खोदेंशो बाक्‍ब। मिनु हजार का बर्स नाक्‍त का खोदेंशो बाक्‍ब। भजन संग्रह ९०:४

प्रकाश 10:6

मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। दानीएल १२:७

प्रकाश 11:10

मारदे हना मेको परमप्रभु यावे आ लोव़ पाइब निक्‍शीमी रागीम बाक्‍ब आन कली शुश श्‍येत गेतीके, रागीम बाक्‍बपुकीमी मेको आस कली साइश्‍शो तशा, शुश ग्‍येरशा, मार मार गेमुम्‍तेक्‍म।

प्रकाश 11:14

हिंचा ङा श्‍येत निक्‍शी नुप्‍शा, नोले ङा हिंचा ङा श्‍येत जाक्‍चाप्‍तु। प्रकाश ९:१२

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:6

मेकोमी परमप्रभु यावे कली मरिम्‍शो लोव़ पाप्‍तु। मिनु मेकोमी आ नें आ पर्बम, आ बाक्‍तीके आ पर्बम नु आ बाक्‍तीकेमी बाक्‍ब आन पर्बम यो मरिम्‍शो लोव़ पाप्‍तु।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 8:13

मिनु नोले ककाकुली का सरीङमी बेरशो ताता। मेकोमी ठेयब सेंदामी “मुल परमप्रभु यावे आ स्‍वर्ग ङा गेय पाइब सांमी तुराही ताप्‍चा लीतेक्‍म। मेको आन ताप्‍शो रेयकेमी रागी ङा मुर आन कली थम हिंचा ङा दुम्‍चाप्‍तु। आबी आबी आबी, तुराही ग्रीशोमी रागी ङा मुरपुकी शुश श्‍येत जाइनीम” दे ग्रीशो नेंता।

प्रकाश 9:12

ङोंइती ङा हिंचा ङा श्‍येत नुप्‍त। मिनु अर्को हिंचा ङा श्‍येत निक्‍शी बाक्‍नीस।