प्रकाश 11:16 - Sunuwar Bible

¹⁶ मिनु परमप्रभु यावे आ ङोंइती मेको २४ जना शेंब खाल्‍पा आन नित्‍तीकेमी निश्‍शा, परमप्रभु यावे आ ङोंइती खुम्‍की पा बाप्‍शा मान पाम्‍तेक्‍म। प्रकाश ४:४,१०

प्रकाश 11:16 ပူးပေါင်းရင်းမြစ်များ

मत्ती 19:28

येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२

प्रकाश 19:4

मिनु मेको २४ जना शेंब खाल्‍पा नु ४ ओटा सेस जन्‍तुपुकीमी आ ठेयब नित्‍तीकेमी निश्‍शो परमप्रभु यावे कली खुम्‍की पा बाप्‍शा सेउ पाम्‍तेक्‍म। मिनु मेकोपुकीमी “आमेन, हाल्‍लेलया” देंतेक्‍म। प्रकाश ४:४; प्रकाश ५:३१; प्रकाश ४:६; भजन संग्रह १०६:४८

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 5:14

मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म।

प्रकाश 7:11

मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।