प्रकाश 11:13 - Sunuwar Bible

¹³ मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 11:13 ပူးပေါင်းရင်းမြစ်များ

उत्पत्ती 6:4

मेना रागीमी नेफीलीम माइश्‍शो थम लाइश्‍शो मुरपुकी बाक्‍शो बाक्‍मा बाक्‍त। मिनु नोले परमप्रभु आ तौपुकीमी रागी ङा तमी आन कली चाक्‍शा, आल थीमे बाक्‍त। मेको बोल्‍यो नु ठेयब लडाइ पाइब मुर दुम्‍मा बाक्‍त। इजीकीएल ३२:२७

यसैया 29:6

मिनु मुर नेल्‍ल आन परमप्रभु यावे इ कली ग्रुम्‍थ जाक्‍ब। मेको बुंबु, ख्रिनु ठेयब रेयके नु जाक्‍ब। मेको हिरशो फश गिवार नु ठेयब मी नु जाक्‍ब।

येरमीया 13:16

मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

यूहन्‍ना 9:24

मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

प्रेरित 1:15

मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।

प्रकाश 11:11

मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 14:7

मिनु मेकोमी ठेयब सेंदामी “परमप्रभु यावेमी सरीङ, रागी, समुन्‍द्र नु ब्‍वाक्‍कु बुक्‍तीके नेल्‍ल सेल्‍तु। मोपतीके इन पोक्‍च थेक्‍शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्‍ल सेल्‍ब ननी’ देंशा मान पने। मारदे हना मेको आ निसाफ पची ना दुम्‍त” देंत।

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९

प्रकाश 3:4

मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। यहूदा :२३

प्रकाश 6:12

मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९

प्रकाश 8:5

मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। इजीकीएल १०:२

१ सामुएल 6:5

गे इन कान खोदेंशो सुन के कान नु रागी कली खतम पोक्‍ब यिच खोदेंशो पा सुन के यिच सेलीन। मिनु इस्राएली आन परमप्रभु कली मान पने। मिनु मेकोमी इन कली, इन देवी देवता आन कली नु इन रागी कली श्‍येत गेचा प्रोंइबा कों?