प्रकाश 10:4 - Sunuwar Bible

⁴ मेको ७ ओटा बुंबु आ लोव़ ब्रेक्‍चाङानु, सरीङ रे सेंदा कामी “मेको ७ ओटा बुंबु आन लोव़ मब्रेक्‍तो, मुर आन कली मशेंदो” देंशो नेंता। दानीएल १२:४,९

प्रकाश 10:4 ပူးပေါင်းရင်းမြစ်များ

यसैया 29:11

मेको इन कली कोंइशो लोव़ नेल्‍ले, इन कली छाप थोक्‍शो किताब खोदेंशो दुम्‍त। मेको पढेस जोक्‍ब कली “पढेवो” दे गेतीनी हना, मेकोमी “गो पढेने मचाप्‍नुङ, मारदे हना एको छाप थोक्‍शो किताब बाक्‍ब” देंब।

यसैया 8:1

मिनु परमप्रभु यावेमी आं कली “गे ठेयब कागज का चाक्‍को। मिनु रिम्‍शो पा रुप्‍चा ङा पा ‘माहेर-शालाल-हाश-बाज’ ब्रेक्‍तो” देंत। माहेर-शालाल-हाश-बाज आ अर्थ गा पा शुश रोइक्‍चा बाक्‍ब।

यसैया 8:16

आं देंशो लोव़ आं शेंसीब आन कली ला नेंपाइक्‍चा कली छाप थोक्‍शा, वोतो” दे माइक्‍ती। दानीएल १२:४

दानीएल 12:4

तन्‍न गे दानीएलमी, एको लोव़ सुइ आन कली मदेनो। एको नोले ङा नाक्‍त कली ब्रेक्‍शो किताब मप्रा‍क्‍थु, छाप थोक्‍शा वोतो। नोले ङा नाक्‍तीम शुश मुर आन थुं मनाइक्‍थु, थमा लोव़ माल्‍शा शुश तुइक्‍ब दुम्‍नीम” देंत। प्रकाश १०:४

दानीएल 12:9

मिनु मेकोमी “दानीएल, गे इ लां खोतो। मारदे हना एको लोव़ नोले ङा नाक्‍त सम्‍म ख्रुइश्‍शा छाप थोक्‍शा वोइक्‍‍चा माल्‍ब।

दानीएल 8:26

मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४

ब्‍यवस्‍था 29:29

मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 1:19

गे मार मार तवी, मेको ब्रेक्‍तो। गे मार ब्रेक्‍चा माल्‍नेवे देंशा हना, मुल मार बाक्‍बा, नोले मार दुम्‍बा, मेको नेल्‍ल ब्रेक्‍तो।

प्रकाश 10:8

मिनु मेको आं नेंशो स्‍वर्ग ङा सेंदामी आं कली लेंशा “लावो, मेको रागी नु समुन्‍द्र तार राप्‍शो परमप्रभु यावे आ स्‍वर्ग ङा गेय पाइब आ गुइमी बाक्‍शो किताब ताक्‍को” देंशो नेंता।

प्रकाश 22:10

मिनु मेकोमी आं कली “एको किताबमी ब्रेक्‍शो लोव़ दुम्‍चाप्‍तु। मोपतीके ख्रुइश्‍शा मवोतो, पढेशा नेंपाइक्‍मी। प्रकाश १०:४; प्रकाश १:३