प्रकाश 1:4 - Sunuwar Bible4 गो यूहन्नामी एसीया ङा येसु ख्रीस्त कली थमा सुइक्ब ७ ओटा सहर ङा थमा सुइक्ब आन ग्रुम्तीके ङा शेंब आन कली चिठी ब्रेक्ताक्ङ। मिनु मुल बाक्ब, ङोंइती बाक्शो, नोले यो जाक्बमी नु परमप्रभु यावे आ ठेयब नित्तीके आ ङोंइती बाक्ब ७ ओटा ठाउं ङा परमप्रभु यावे आ सोक्तीमी इन कली “शिशी तशा नु थुं नाइश्शा बाक्चा तामेक्ल” देंताक्स। प्रस्थान ३:१४-१५; प्रकाश ३:१; प्रकाश ५:६ အခန်းကိုကြည့်ပါ။ |
प्रकाश 1:4
41 ပူးပေါင်းရင်းမြစ်များ
मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
मिनु आं ग्युरा गुइमी बाक्शो ७ ओटा सोरुल नु ७ ओटा खपीम बाक्शो सुन के दियारी आ ख्रुइश्शो अर्थ मार बाक्ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्ब आन ग्रुम्तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्ब आन ग्रुम्तीके ङा मुर नम” दे माइक्ती।
मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।
मिनु येसु ख्रीस्तमी आं कली सारडीस सहर ङा थमा सुइक्ब आन शेंब कली ब्रेक्पाइक्ती। एको ७ ओटा ठाउं ङा परमप्रभु यावे आ सोक्त नु ७ ओटा सोरुल नु बाक्ब आ लोव़ बाक्ब। मेकोमी “गो इन पशो गेय तुइक्नुङ। गेपुकीमी चहिं ‘गो ख्रीस्त कली थमा सुइश्शा, ब्रोंइशा बाक्नीकी’ देंनीनी। तन्न इन थमा सुइक्तीके बेक्शो खोदेंब पा इप्शो बाक्ब। प्रकाश १:४
मिनु मेको सेस जन्तु ६, ६ ओटा फ्रां पाइश्शो बाक्तेक्मे। मेको आन फ्रां नेल्ल नु आन रां नेल्लेमी मिक्च पाइश्शो बाक्तेक्म। मिनु मेकोपुकी नाक्दो नाक्त परमप्रभु यावे कली कुम्सो पना पन बाक्बाक्तेक्म। मार कुम्सो पाइबाक्तेक्म देंशा हना, “परमप्रभु यावे, गे का ला परमप्रभु ननी। गे नेल्ल सक्ति पाइश्शो बाक्नीनी। गे ङोंइती बाक्शो बाक्तीनी। मुल यो बाक्नीनी। मिनु नोले यो जाक्नीनी” दे कुम्सो पना पन बाक्बाक्तेक्म। यसैया ६:२-३; प्रस्थान ३:१४
ကြော်ငြာတွေ