प्रकाश 1:16 - Sunuwar Bible

¹⁶ मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।

प्रकाश 1:16 ပူးပေါင်းရင်းမြစ်များ

अय्‍युब 38:7

मेना सुनी ङा सोरुलपुकीमी कालेम कुम्‍सो पाम्‍तेक्‍म। मिनु स्‍वर्गम बाक्‍ब नेल्‍ल ग्‍येरसीशा ग्रीतेक्‍म। भजन संग्रह १९:२; अय्‍युब १:६

भजन संग्रह 45:3

गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।

ठेयब कुम्सो 6:10

सुनी खोदेंशो पा दारशो, तास्‍ला खोदेंशो पा दाप्‍शो, नां खोदेंशो पा छेङछेङ देंशो, हिंचा ङा लडाइ पाइब खोदेंशो सु बाक्‍बा?

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 49:2

मेकोमी आं शोव़ हेश्‍शो तरवार खोदेंशो सेल्‍तु। आं कली आ गुइमी सुम्‍शा, ख्रुइक्‍ताक्‍यी। मेकोमी आं कली हेश्‍शो ब्रा खोदेंशो सेल्‍शा, आ ब्रा कुरतीकेम कुर पा ख्रुइश्‍शा वोइक्‍ती। हिब्रू ४:१२; प्रकाश १:१६; यसैया ५१:१६

दानीएल 12:3

मिनु जोक्‍ब तुइक्‍बपुकी सरीङ ङा छेङछेङ खोदेंशो दुम्‍नीम। मिनु सु सुमी मुर आन कली ठीक लांमी गाक्‍पदमे, मेकोपुकी गेना हना यो सोरुल आ छेङछेङ खोदेंशो दुम्‍नीम। दानीएल ११:३३; हितोपदेस ४:१८; मत्ती १३:४३

दानीएल 8:10

मिनु मेको कोल्‍शा, स्‍वर्ग ङा लडाइ पाइब आन हुल बाक्‍तीक सम्‍म जाक्‍दीश्‍शा, लडाइ पाइब का निक्‍शी नु सोरुल का निक्‍शी आन कली तोक्‍शा खोइलीमी दिम्‍ताक्‍व।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

मत्ती 17:2

मिनु मेको आन ङोंइती येसु फांइसेनु, मेकोपुकीमी आ कुल नां खोदेंशो नु आ फेक्‍शो वा बुबु पा जिलील पा बुश दुम्‍शो तामे बाक्‍त। २पत्रुस १:१६-१८; प्रकाश १:१६

प्रेरित 26:13

अग्रीप्‍पा सरकार हजुर, मुल नोफा दाइश्‍शा नेनीन। नाक्‍ती उइक्‍थ दुम्‍मेनु गाक्‍कानु, मार दुम्‍त देंशा हना, नां पशो क्‍येङा छेङछेङ सरीङ रे यिशा, आंइ एर ओंथ कोंइताक्‍व।

एफिसी 6:17

मिनु येसु ख्रीस्‍तम इन कली पाप रे प्रोंइशो तुइक्‍तीक पीतल के ताक्‍की खोदेंशो पा गुम्‍सीने। मिनु परमप्रभु यावे आ लोव़ लतीन। मेको चहिं परमप्रभु यावे आ सोक्‍त ङा तरवार बाक्‍ब। १थिस्‍सलोनिकी ५:८; हिब्रू ४:१२

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

प्रकाश 1:20

मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती।

प्रकाश 10:1

मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।

प्रकाश 12:1

मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

प्रकाश 19:21

मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म।

प्रकाश 2:1

मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९

प्रकाश 2:12

मिनु येसु ख्रीस्‍तमी आं कली पेरगामोम सहर ङा थमा सुइक्‍ब आन शेंब कली ब्रेक्‍पाइक्‍ती। आ शोव़ रे निम्‍फा गे क्‍योरतीक पाइश्‍शो हेश्‍शो तरवार पाइश्‍शोमी

प्रकाश 2:16

मोपतीके इन थुं गो आं गे लेत्‍तीन। मलेत्‍ताक्‍नी हना, गो इन ग्रुम्‍तीकेमी रीब पा जाक्‍नुङ। मिनु आं शोव़ ङा तरवारमी मेको नु लडाइ पाइनुङ।

प्रकाश 3:1

मिनु येसु ख्रीस्‍तमी आं कली सारडीस सहर ङा थमा सुइक्‍ब आन शेंब कली ब्रेक्‍पाइक्‍ती। एको ७ ओटा ठाउं ङा परमप्रभु यावे आ सोक्‍त नु ७ ओटा सोरुल नु बाक्‍ब आ लोव़ बाक्‍ब। मेकोमी “गो इन पशो गेय तुइक्‍नुङ। गेपुकीमी चहिं ‘गो ख्रीस्‍त कली थमा सुइश्‍शा, ब्रोंइशा बाक्‍नीकी’ देंनीनी। तन्‍न इन थमा सुइक्‍तीके बेक्‍शो खोदेंब पा इप्‍शो बाक्‍ब। प्रकाश १:४

न्‍यायाधीस 3:16

मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।

न्‍यायाधीस 5:31

मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५