प्रकाश 1:12 - Sunuwar Bible

¹² मिनु गो नु लोव़ पाइब कली कोव़ङु, दे बिर लेत्‍ती। लेश्‍शा कोव़ङुनु, ७ ओटा सुन के दियारीम बत्ती ब्रशो ताता।

प्रकाश 1:12 ပူးပေါင်းရင်းမြစ်များ

प्रस्‍थान 25:37

गे क्‍येख सुन के ७ ओटा दियारी सेल्‍पाइक्‍चा माल्‍नेवे। मिनु सल्‍दो वोइश्‍शा, नेल्‍ल तांइसीचा ङा पा दाचा माल्‍नेवे। मेको ब्रशा, छेङछेङ दुम्‍ल।

प्रस्‍थान 37:23

बत्ती दातीक ७ ओटा दियारी, आ कांइची नु आइक्‍च बोस नेल्‍ल क्‍येख सुन के चेम्‍शा सेल्‍तु।

मीका 6:9

परमप्रभु यावेमी सहर कली “आं कली मान पा हिंचा इन कली श्‍येत रे प्रोंइतीक दुम्‍ब। गे थर ङा मुर नु सहर ङा ग्रुम्‍तीक ङा मुर आन लोव़ नेनीन।

जकरिया 4:2

मिनु मेकोमी आं कली “गे मार तवी?” दे हिल्‍लो प‍ती। मिनु गो “सुन के बत्ती दातीक ता‍ता। मेको आ तारी बोस का बाक्‍त। मेको तारी ७ ओटा बत्ती बाक्‍तेक्‍म। मेको बत्ती नेल्‍लेमी दातीक सल्‍दो वोइश्‍शो बाक्‍तेक्‍म। येरमीया १:११-१३; आमोस ८:२; प्रस्‍थान २५:३१-४०

प्रकाश 1:13

मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३

प्रकाश 1:19

गे मार मार तवी, मेको ब्रेक्‍तो। गे मार ब्रेक्‍चा माल्‍नेवे देंशा हना, मुल मार बाक्‍बा, नोले मार दुम्‍बा, मेको नेल्‍ल ब्रेक्‍तो।

प्रकाश 1:20

मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती।

प्रकाश 2:1

मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०