भजन संग्रह 97:9 - Sunuwar Bible

⁹ मारदे हना परमप्रभु यावे, गे रागी ङा नेल्‍ल क्‍येङा ठेयब बाक्‍नीनी। देवी देवता नेल्‍ल आन क्‍येङा गे शुश ठेयब बाक्‍नीनी। प्रस्‍थान १५:११

भजन संग्रह 97:9 ပူးပေါင်းရင်းမြစ်များ

१ इतिहास 17:20

इन खोदेंशो अर्को सुइ मबाक्‍नीम। परमप्रभु यावे, इन ङा लाक्‍शा अर्को तेकोइ परमप्रभु मबाक्‍नीम। ङोंइती इन देंशो नेंशो नेल्‍ल मुल आंइ मिक्‍चीम ताइतक। यसैया ४४:६

भजन संग्रह 135:5

परमप्रभु यावे थम ठेयब बाक्‍ब। मेको गो तुइक्‍नुङ। मिनु आंइ परमप्रभु देवी देवता नेल्‍ल आन क्‍येङा ठेयब बाक्‍ब। भजन संग्रह ८६:८

भजन संग्रह 136:2

मिनु देवी देवता आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।

भजन संग्रह 83:18

मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६

भजन संग्रह 92:9

परमप्रभु यावे, इन जोरी सत्रु क्‍याम्‍चा पुंइसीनीम। मरिम्‍शो पाइब नेल्‍ल एर ओंथ ब्राइनीम।

भजन संग्रह 95:3

मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। प्रस्‍थान १५:११

भजन संग्रह 96:4

मारदे हना परमप्रभु यावे ठेयब बाक्‍ब। ठेयब सेल्‍शा मान पाइक्‍चा पुंइसीब बाक्‍ब। मेको देवी देवता नेल्‍ल आन क्‍येङा मान पा हिंचा माल्‍शो बाक्‍ब।

प्रस्‍थान 18:11

देवी देवता आन क्‍येङा परमप्रभु यावे ला ठेयब बाक्‍ब, दे गो मुल तुइक्‍ताक्‍ङ। आ मुर आन कली इजीप्‍त ङा मुर आन गुइ रे प्रोंइतु। मारदे हना इजीप्‍तीपुकीमी मेको आन कली ठेयब लेश्‍शा दिप्‍शो बाक्‍तेक्‍म” दें‍त। नेहेम्‍याह ९:१०; येरमीया ५०:२९

यसैया 33:5

परमप्रभु यावे मान ताइब बाक्‍ब। मेको इर, आ बाक्‍तीकेमी बाक्‍ब। मेकोमी सियोन ङा मुर आन कली ठीक निसाफ नु ठीक पतीके पपाइक्‍ब।

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

येरमीया 10:8

मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।

एफिसी 1:21

मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०