भजन संग्रह 97:7 - Sunuwar Bible

⁷ मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६

भजन संग्रह 97:7 ပူးပေါင်းရင်းမြစ်များ

२ इतिहास 3:13

मेको करूब आस फ्रां नेल्‍ल पा २० कुबीत प्राक्‍शो बाक्‍मा बाक्‍त। मेको निक्‍शी राप्‍शो बाक्‍सा बाक्‍त। मिनु मेको निक्‍शीमी मेको खिं गे कोव़शो बाक्‍सा बाक्‍त।

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

प्रस्‍थान 25:20

मेको करूबम आस फ्रां हाम्‍शा, सुम्‍तीके फारचा माल्‍नीस। आस कुल कोव़मुशा, सन्‍दोस सुम्‍तीके गे कोव़चा माल्‍नीसी।

यसैया 41:29

मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

यसैया 42:7

मारदे सोइक्‍ताक्‍न देंशा हना, मिक्‍च मताइब आन कली तपाइक्‍चा, जेल्‍खानम बाक्‍ब आन कली प्रोंइचा नु छिङछिङ रे ग्रुंइचा कली सोइक्‍ताक्‍न। यसैया ३५:५; यसैया ४५:१९; भजन संग्रह १२६:१-४

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

येरमीया 10:14

मुर नेल्‍ल निप्‍स मपाइश्‍शो नु मारेइ मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मेको आन मूर्तिपुकी जोल बाक्‍नीम। मेको आन के सोक्‍त मबाक्‍ब। यसैया ४५:१६

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 5:8

सरीङमी, रागीमी, रागी आ आगामी ब्‍वाक्‍कुम बाक्‍ब मारेइ जन्‍तु के गेपुकीमी आंम कली मूर्ति मसेल्‍सीन। ब्‍यवस्‍था २७:१५

हिब्रू 1:6

आ ङोंइती जरमेशो तौ कली रागीम सोइक्‍तानु “आं स्‍वर्ग ङा गेय पाइब नेल्‍लेमी मेको कली मान पा ठेयब सेल्‍मेक्‍ल” देंत। भजन संग्रह ९७:७; रोमी ८:२९

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

१ सामुएल 5:3

मिनु आ दीसा अश्‍दोद ङा मुरपुकी सुनी कना बोक्‍शा कोव़ङमेनु, दागोन आ मूर्ति गोल्‍शा, परमप्रभु यावे आ कबल पशो सन्‍दोस आ ङोंइती बाप्‍शो तामे बाक्‍त। मिनु मेकोपुकीम दागोन कली पोक्‍शा, आ बाक्‍तीकेम वोदमे बाक्‍त।