भजन संग्रह 96:2 - Sunuwar Bible

² परमप्रभु यावे कली कुम्‍सो पने। आ नें ठेयब सेलीन। गे नाक्‍त किंत किंत मेको मुर आन कली श्‍येत रे प्रोंइशो आ पर्बम रागी रागी ङा मुर आन कली शेंदीने।

भजन संग्रह 96:2 ပူးပေါင်းရင်းမြစ်များ

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

भजन संग्रह 103:20

परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०

भजन संग्रह 145:1

आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।

भजन संग्रह 145:10

परमप्रभु यावे, इन सेल्‍शो मारेइ मारेइमी इन कली “गे रिम्‍शो पाइब बाक्‍नीनी” देंचा माल्‍नीम। मिनु इन कली थमा सुइक्‍बपुकीमी ठेयब सेल्‍चा माल्‍नीम।

भजन संग्रह 145:2

गो इन कली नाक्‍त किंत किंत ठेयब सेल्‍नुङ। गो इन नें गेना हना यो ठेयब सेल्‍नुङ।

भजन संग्रह 40:10

गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।

भजन संग्रह 71:15

गो इन ठीक पतीके आ पर्बम लोव़ पाइनुङ। गे आं कली गिश खेयप प्रोंइ‍यीनी, मतुइक्‍ताक्‍ङ हना यो, गो इन श्‍येत रे प्रोंइतीके आ पर्बम नाक्‍त रे लोव़ पाइनुङ।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

मर्कूस 16:15

मिनु येसुमी आ शेंसीब ११ जना आन कली “रागी नेल्‍ल हिरशा, ग्‍येरपाइक्‍ब लोव़ नेल्‍ल आन कली नेंपतीने। मर्कूस १३:१०; मत्ती २८:१६-२०

प्रेरित 13:26

आं लोक्‍बपुकी, अब्राहाम आ खिं ङा मुर बाक्‍तीनी हना यो, परमप्रभु यावे कली मान पा हिंब अर्को रागी ङा मुर बाक्‍तीनी हना यो, गो नेल्‍ल इं कली परमप्रभुमी पाप रे ब्रोंइतीक लोव़ नेंपाइक्‍ब।

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

प्रकाश 5:13

मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।