भजन संग्रह 94:4 - Sunuwar Bible

⁴ मेकोपुकीम ठेयब लेश्‍शो लोव़ ला पाइनीम। मरिम्‍शो पाइब नेल्‍लेम आन नें बोरपाइक्‍नीम।

भजन संग्रह 94:4 ပူးပေါင်းရင်းမြစ်များ

अय्‍युब 20:5

एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

भजन संग्रह 140:3

मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। ठेयब सेंदा पा।रोमी ३:१३

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

भजन संग्रह 52:1

गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।

भजन संग्रह 59:12

मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।

भजन संग्रह 59:7

मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।

हितोपदेस 30:14

का निक्‍शी मुर आन ख्रुइ तरवार नु छूरी खोदेंशो बाक्‍ब। मेकोपुकीमी प्रुङग आन कली नाक्‍‍शा, श्‍येत जाइब आन कली ब्‍वाइनीम।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

दानीएल 7:11

मिनु गो मेको ठेयब लेश्‍शो लोव़ पाइब ग्रोव़ कली कोव़ना कोव़न बाक्‍ती। मिनु गो कोव़ना कोव़न बाक्‍ङानु, मेको जन्‍तु कली साइक्‍तेक्‍म। मिनु मेको आ रां खतम सेल्‍शा, ठेयब मीमी हुम्‍ताक्‍म। प्रकाश १९:२०

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

दानीएल 7:8

मिनु गो मेको ग्रोव़ आन कली रिम्‍शो पा कोव़ङुनु, मेको आन दातेमी अर्को आइक्‍च ग्रोव़ का ग्रूशो ताता। मेको आइक्‍च ग्रोव़ कली बाक्‍तीक गेचा कली ङोंइती ङा ग्रोव़ सां आन शाक्‍श सुन्‍दा एत्‍‍‍तेक्‍म। मेको नक ग्रूशो ग्रोव़मी मिक्‍च बाक्‍तेक्‍म। मेको मुर आ मिक्‍च खोदेंशो बाक्‍तेक्‍म। मिनु मेको के ठेयब लेश्‍शा लोव़ पाइब शोव़ का बाक्‍त। दानीएल ११:३६

दानीएल 8:11

मेकोमी लडाइ पाइब आन नेल्‍ल क्‍येङा ठेयब कली यो ठेयब लेश्‍शो लोव़ पा, नाक्‍त किंत किंत ङा चोशा चढ़ेतीक रोइश्‍शा, परमप्रभु यावे आ बाक्‍तीके खिं प्रेश्‍शा गेप्‍तु। दानीएल ९:२७

मत्ती 12:24

फरिसीपुकीमी चहिं मेको आन देंशो नेंशा “वोल आन पिप बेल्‍जीबुल आ सक्तिम कका वोल आन कली ग्रुंइशा खेरबाक्‍माक्‍त” दे मिम्‍शा लोव़ पामे बाक्‍त।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

१ सामुएल 2:3

ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।