भजन संग्रह 94:2 - Sunuwar Bible

² रागी कली निसाफ पाइब, बोक्‍कीन। मिनु ठेयब लेश्‍शो आन कली आन पशो ङा क्‍येक्‍क लेत्‍तीन। उत्‍पत्ती १८:२५

भजन संग्रह 94:2 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ इतिहास 20:12

आंइ परमप्रभु, गे मेको आन कली निसाफ मपाइनीनी ङा? मारदे हना गोपुकी एको शुश मुर आन ङोंइती मारेइ पने मचाप्‍ब बाक्‍नीकी। मुल गो मार पचा माल्‍नीकी मारेइ मतुइक्‍नीकी। तन्‍न गो इन गे कोव़नीकी” दे पुना बाक्‍त।

भजन संग्रह 31:23

परमप्रभु यावे आ मुर नेल्‍लेमी परमप्रभु कली दाक्‍तीन। परमप्रभु यावेमी आ कली थमा सुइक्‍ब आन कली कोव़ब। ठेयब लेश्‍शो आन कली आन क्‍येक्‍क लेप्‍ब।

भजन संग्रह 50:6

मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।

भजन संग्रह 68:1

परमप्रभु बोक्‍ब। मिनु आ जोरी सत्रु ब्रशा, आ ङोंइती रे प्रोक्‍नीम। गन्‍ती १०:३५

भजन संग्रह 7:6

परमप्रभु यावे, गे गाइश्‍शा, बोक्‍कीन। आं जोरी सत्रु आन पशो तशा, आं कली वारच पथ बोक्‍कीन। गे “गो निसाफ पचा माल्‍नुङ” दे लोव़ पाइतीनी।

भजन संग्रह 74:22

परमप्रभु, बोक्‍कीन। मिनु इन पर्बम लडाइ पने। मटीबपुकीमी नाक्‍त रे इन कली शाक्‍शो, मिम्‍तीन। भजन संग्रह १४:१-३

भजन संग्रह 82:8

परमप्रभु बोक्‍कीन। मिनु रागी कली निसाफ पने। मारदे हना रागी नेल्‍ल इन के बाक्‍नीम।

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 2:17

नु मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:१

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

मीका 5:9

मिनु परमप्रभु यावेमी “गे इन गुइ इन जोरी सत्रु क्‍येङा बोल्‍यो दुम्‍‍शा ग्रानीनी। मिनु इन जोरी सत्रु नेल्‍ल खतम दुम्‍नीम। जकरिया ९:१०

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६