भजन संग्रह 92:5 - Sunuwar Bible

⁵ परमप्रभु यावे, इन गेय थम ठेयब बाक्‍नीम। इन मिम्‍तीके यो थम ठेयब बाक्‍ब। भजन संग्रह १०४:२४; यसैया ५५:९

भजन संग्रह 92:5 ပူးပေါင်းရင်းမြစ်များ

भजन संग्रह 104:24

परमप्रभु यावे, इन गेय ठेयब नु शुश बाक्‍नीम। गे जोक्‍ब तुइक्‍ब दुम्‍शा, नेल्‍ल सेल्‍तीनी। रागी नेल्‍ल इन सेल्‍शो मारेइ मारेइम ब्रीशो बाक्‍ब। उत्‍पत्ती १:३१

भजन संग्रह 111:2

परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।

भजन संग्रह 139:17

परमप्रभु, इन मिम्‍शो आं कली थम ठेयब बाक्‍ब। इन मिम्‍तीके शुश बाक्‍नीमी। भजन संग्रह ४०:६

भजन संग्रह 36:6

इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।

भजन संग्रह 40:5

मिनु गो “परमप्रभु यावे, आं परमप्रभु, गे आंइ पर्बम पशो छक लाक्‍चा ङा गेय नु इन मिम्‍शो कोंइताक्‍की। मेको शुश बाक्‍नीम। इन खोदेंशो सुइ मबाक्‍नीम। गो मेको आन कली शेंशें दाक्‍ती, देंती हना यो, नेल्‍ल शेंने मचबु। मारदे हना मेको शुश बाक्‍नीम। भजन संग्रह १३९:१७-१८

भजन संग्रह 64:6

मेकोपुकीमी मरिम्‍शो पतीक आ पर्बम गारशा “गो शुश मिम्‍शा, गेय पाइतय” देंनीम। थमा पा मुर आन मिम्‍तीके नु थुं मरिम्‍शो बाक्‍ब।

भजन संग्रह 66:3

मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।

उपदेसक 7:24

शुश ङोन बाक्‍ब नु शुश लुक्‍च लशो थोव़क सुम तुइक्‍ने चाप्‍बा ङा?

यसैया 28:29

मेको मोदेंशो नेल्‍ल मुर नेल्‍ल आन परमप्रभु यावेमी शेंशो बाक्‍ब। मेको अर्ती गेतीकेम छक लाक्‍चा ङा नु तुइक्‍तीकेम नेल्‍ल क्‍येङा ठेयब बाक्‍ब।

येरमीया 23:20

परमप्रभु यावे आ गाइश्‍शो मलेप्‍ब। आ मिम्‍शो नेल्‍ल पने थुमा नोले ला लेप्‍ब। नोले ङा नाक्‍ती एको लोव़ रिम्‍शो पा रुप्‍नीनी।

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७