भजन संग्रह 92:4 - Sunuwar Bible

⁴ मिनु गो “परमप्रभु यावे, इन पशोमी आं कली ग्‍येरपाइक्‍तीनी” दे इन पशो तशा, ग्‍येरशा कुम्‍सो पाइनुङ।

भजन संग्रह 92:4 ပူးပေါင်းရင်းမြစ်များ

भजन संग्रह 104:31

परमप्रभु यावे आ सक्ति गेना हना यो लीशा बाक्‍ल। परमप्रभु यावे आ गेय तशा, आंमा ग्‍येरसेक्‍ल।

भजन संग्रह 104:34

मेकोमी आं मिम्‍शो दाक्‍तल। मारदे हना गो परमप्रभु यावे कली मिम्‍शा ग्‍येरसीनुङ।

भजन संग्रह 126:3

परमप्रभु यावेमी आंइ कली थमा वारच पा ठेयब गेय पाप्‍तु। मिनु गो शुश ग्‍येरसाक्‍क।

भजन संग्रह 143:5

गो साइ ङोंइती ङा नाक्‍त मिम्‍नुङ। मिनु इन गेय नेल्‍ल मिम्‍ना मिम्‍न बाक्‍नुङ। इन गुइम पशो नेल्‍ल मिम्‍नुङ। भजन संग्रह ७७:६

भजन संग्रह 33:2

बीना ताप्‍शा, परमप्रभु यावे कली ठेयब सेलीन। १० ओटा तार पाइश्‍शो ठेयब ताप्‍तीक ताप्‍शा, मेको कली कुम्‍सो पने।

भजन संग्रह 64:10

ठीक पाइबपुकी परमप्रभु यावे आ पर्बम ग्‍येरसीने। मिनु मेको नु ख्रुंइसीन। रिम्‍शो थुं पाइश्‍शो मुर नेल्‍ले ग्‍येरसीन।

भजन संग्रह 8:6

मिनु इन सेल्‍शो मारेइ मारेइ आन कली हुकुम पाइब सेल्‍तीनी। मोपा मुर इन सेल्‍शो आन दातेमी नेल्‍ल क्‍येङा ठेयब बाक्‍ब। उत्‍पत्ती १:२७

भजन संग्रह 90:16

इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२

येरमीया 31:7

परमप्रभु यावेमी “याकूब आ पर्बम ग्‍येरशा ठेयब सेंदा पा कुम्‍सो पने। मिनु रागी रागी ङा नेल्‍ल क्‍येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्‍येत रे प्रोंइतु। इस्राएल ङा लीशो आन कली प्रोंइतु।

लूका 1:47

मारदे हना मेको आं कली श्‍येत रे प्रोंइब, परमप्रभु बाक्‍ब। गो ग्‍येरसीनुङ।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

२ कोरिन्‍थी 2:14

तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८