भजन संग्रह 92:13 - Sunuwar Bible

¹³ मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।

भजन संग्रह 92:13 ပူးပေါင်းရင်းမြစ်များ

२ इतिहास 4:9

मेकोमी चढ़ेब आन बाक्‍तीक लाङगा, ठेयब लाङगा नु लाङगा ङा लाप्‍चोपुकी सेल्‍पदा बाक्‍त। मिनु लाप्‍चो आन कली कांसाम गिल्‍पदा बाक्‍त।

एस्‍तर 9:4

मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।

भजन संग्रह 100:4

मिनु “गे रिम्‍शो पाइब बाक्‍नीनी” दे आ ठेयब लाप्‍चो रे ओव़ङीन। आ कली मान पा आ लाङगाम ठेयब सेल्‍तीक कुम्‍सो पने। मेको कली “गे रिम्‍शो पाइब बाक्‍नीनी” दे आ नें कली मान पा ठेयब सेलीने। भजन संग्रह १०६:१

भजन संग्रह 116:19

परमप्रभु यावे आ खिं ङा लाङगा नु यरूसलेमम बाक्‍बपुकी परमप्रभु यावे कली ठेयब सेलीन।

भजन संग्रह 135:2

गे परमप्रभु यावे आ खिंमी गेय पाइबपुकी नु आ खिं ङा लाङगाम बाक्‍बपुकी, आंइ परमप्रभु कली ठेयब सेलीन।

ठेयब कुम्सो 4:11

इ शोव़ रे फू आ रस खोदेंशो याप्‍ब। ए आं ग्‍युम्‍ली, इ लें आगाम दूध नु खुदो बाक्‍ब। इ वा ङा ब्रोव़शो रिना लेबानोन ङा रिना खोदेंशो बाक्‍ब।

ठेयब कुम्सो 5:15

मेको आ खोइल क्‍येख सुन के नित्‍तीक पाइश्‍शो बुश थाम खोदेंशो बाक्‍ब। मेको कोव़शोनु, लेबानोन ङा लाइश्‍शो रवा खोदेंशो पा दारशो बाक्‍ब।

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:3

मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।

होसे 14:5

गो इस्राएल कली सीत खोदेंशो दुम्‍नुङ। मेको लिली फू खोदेंशो पा बोइक्‍ब। लेबानोन ङा लाइश्‍शो रवा खोदेंशो पा मेकोमी शाक्‍श थोक्‍ब।

रोमी 11:17

रिम्‍शो तेल रवा खोदेंशो इस्राएल रे राशी का निक्‍शी क्‍योरशा ग्रुंइशो बाक्‍तेक्‍म हना, गे रागी रागी ङा मुर ब्‍वाकी ङा तेल रवा खोदेंशो पा, मेको रवामी इन राशी क्‍येप्‍चा पुंइसाक्‍नी हना, गे मेको रवा आ शाक्‍श रे ताइनीनी। मेको मप्रेंदीन। एफिसी २:११-१४

रोमी 6:5

गो दोपा मेको आ बेक्‍शो नु कान दुम्‍या, मोपा आ सेंसीशो नु यो कान दुम्‍तय।

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।