भजन संग्रह 92:10 - Sunuwar Bible

¹⁰ गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। भजन संग्रह २३:५

भजन संग्रह 92:10 ပူးပေါင်းရင်းမြစ်များ

भजन संग्रह 101:8

गो सुनी कुस कुस रागीम बाक्‍ब परमप्रभु आ अरेशो लोव़ मटीब आन कली खतम सेल्‍नुङमी। मोपा परमप्रभु यावे आ सहरम बाक्‍ब मरिम्‍शो पाइब मलीनीम। हितोपदेस २०:२६

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

भजन संग्रह 132:17

गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 148:14

मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८

भजन संग्रह 18:15

परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत।

भजन संग्रह 23:5

गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। भजन संग्रह ३६:९

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

भजन संग्रह 75:10

गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।

भजन संग्रह 89:17

मारदे हना गे मेको आन सक्ति गेब बाक्‍नीनी। मिनु गो इन शिशीमी आंइ पिया पोक्‍शो बाक्‍नीकी।

भजन संग्रह 89:24

आं दाक्‍शा मप्रोंइतीके नु आं गेना हना यो दाक्‍तीके मेको नु बाक्‍ब। मिनु आं नेंमी मेकोमी आ पिया पोक्‍ने चाप्‍ब। आ सक्ति बारब।

गन्‍ती 23:22

परमप्रभुमी मेको आन कली इजीप्‍त रे ग्रुंइशा, आ सक्तिम मेको आन कली ब्‍वाकी ङा ब्‍यफ खोदेंशो सेल्‍शो बाक्‍ब।

गन्‍ती 24:8

परमप्रभुमी मेको आन कली इजीप्‍त रे ग्रुंइशा चाक्‍शो बाक्‍ब। आ सक्ति इस्राएली आन कली ब्‍वाकी ङा ब्‍यफ आ ग्रोव़ खोदेंशो बाक्‍ब। रागी रागी ङा जोरी सत्रु आन कली क्‍याम्‍ब। मेको आन रुश जिक्‍ब। मेको आन लिब्रामी मेको आन कली ख्रिश्‍शा साइक्‍ब।

लूका 1:69

मेकोमी आ गेय पाइब दाऊद आ खिं ङा मुर रे इं कली सक्ति पाइश्‍शो पाप रे प्रोंइब सोइक्‍ताक्‍व।

२ कोरिन्‍थी 1:21

परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७

१ यूहन्‍ना 2:20

येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।

न्‍यायाधीस 5:31

मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५

१ सामुएल 2:1

हान्‍नाहमी “आं थुं परमप्रभु यावे नु ग्‍येरसीब। गो परमप्रभु यावे आ पर्बम आं पिया पोक्‍नुङ। गो आं जोरी सत्रु आन कली ग्राती। गेम आं कली प्रोंइतीके गो ग्‍येरसाक्‍यी। लूका १:४६-५५

१ सामुएल 2:10

परमप्रभु यावे आ पर्बम जोरी सत्रु साइक्‍चा पुंइसीनीम। नेल्‍ल क्‍‍येङा ठेयबमी मेको आन पर्बम सरीङ रे बुंबु पपाइक्‍ब। मिनु परमप्रभु यावेमी रागी नेल्‍ल आन कली निसाफ पाइब। मेकोम आ पिप कली सक्ति गेब। मिनु आ तेल लुक्‍शो आ पिया पोक्‍ब” देंमाक्‍त।