भजन संग्रह 88:3 - Sunuwar Bible

³ मारदे हना आं थुं श्‍येतम ब्रीशो बाक्‍ब। मिनु गो बेक्‍चा चिक्‍शो बाक्‍नुङ।

भजन संग्रह 88:3 ပူးပေါင်းရင်းမြစ်များ

अय्‍युब 33:22

मेको आन सोक्‍त लचा चिक्‍शो बाक्‍ब। मेको आन ब्रोंइतीक नाक्‍त नुप्‍चा चिक्‍शो बाक्‍ब।

भजन संग्रह 107:18

मेकोपुकीमी जचा थोव़क ग्रांग्रा दिशा, मारेइ जत मदाक्‍म। मिनु बेक्‍चा चिक्‍ताक्‍म।

भजन संग्रह 107:26

मेकोपुकी सरीङ सम्‍म जाक्‍दीत्‍तेक्‍म। मिनु लेंशा ठेयब समुन्‍द्रमी दोक्‍तेक्‍म। मिनु मेकोपुकी शुश हिंशा वाम ग्‍याम दुम्‍तेक्‍म।

भजन संग्रह 17:1

“परमप्रभु यावे, गे ठीक पशो आ पर्बम आं लोव़ नेनीन। आं ब्रेश्‍शो नेनीन। आं जोल मपथु पुंइशो लोव़ इन नोफा दाइश्‍शा नेनीन।

भजन संग्रह 77:2

गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२