भजन संग्रह 86:2 - Sunuwar Bible

² आं कली खाल पा साइक्‍चा मगेयीनी। मारदे हना गो इन कली थमा सुइश्‍शा, इन गेय पाइब नङ। गे आं परमप्रभु बाक्‍नीनी।

भजन संग्रह 86:2 ပူးပေါင်းရင်းမြစ်များ

भजन संग्रह 119:94

गो इन मुर नङ। आं कली प्रोंइयीनी। मारदे हना गो इन ब्रेक्‍शा अरेशो लोव़ माल्‍ता।

भजन संग्रह 13:5

तन्‍न गो “गे गेना हना यो दाक्‍ब बाक्‍नीनी” दे थमा सुइक्‍नुङ। इन वारच पा प्रोंइतीके तशा, आं थुं ग्‍येरना ग्‍येरन बाक्‍ब।

भजन संग्रह 143:12

इन गेना हना यो दाक्‍तीकेमी आं जोरी सत्रु आन कली खतम पोक्‍कीन। मिनु आं जोरी सत्रु नेल्‍ल आन कली सतीन। मारदे हना गो इन गेय पाइब बाक्‍नुङ।

भजन संग्रह 16:1

“परमप्रभु, आं कली कोव़यीनी। मारदे हना गो इन कली जिम्‍मा गेंसीशो बाक्‍नुङ।

भजन संग्रह 18:19

मिनु आं कली प्रोंइशा, रिम्‍शो ब्रोंइशा बाक्‍तीकेम चाक्‍ती। मारदे हना आं कली दाक्‍शो बाक्‍त।

भजन संग्रह 25:2

आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।

भजन संग्रह 31:1

परमप्रभु यावे गो इन कली जिम्‍मा गेसीनुङ। गो गेनायो मुने मदोक्‍ङल। इन ठीक पतीकेमी आं कली प्रोंइयीनी।

भजन संग्रह 31:14

तन्‍न परमप्रभु यावे, इन कली जिम्‍मा गेंसीशो बाक्‍नुङ। गो “गे आं परमप्रभु बाक्‍नीनी” देंती।

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

भजन संग्रह 4:3

परमप्रभु यावेमी आ कली टीब आन कली आ नेक्‍था वोइक्‍चा कली योव़शो बाक्‍त, दे तुइक्‍तीन। मिनु परमप्रभु यावेमी आं पुंइशो लोव़ नेंब।

भजन संग्रह 50:5

परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। प्रस्‍थान २४:४-११

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

रोमी 9:18

मोपतीके परमप्रभु यावेमी सु कली शिशी पचा दाक्‍ता, मेको कली शिशी पाइब। सु कली आ लोव़ मटिपाइक्‍चा दाक्‍ता, मेको कली मटिपाइक्‍ब। प्रस्‍थान ४:२१; १पत्रुस २:८

१ सामुएल 2:9

मेकोमी थमा सुइक्‍चा पुंइसीब मुर आन कली कोव़ब। तन्‍न आ अरेशो लोव़ मटीब आन कली छिङछिङमी खतम पोक्‍‍पाइक्‍ब। मारदे हना मुरपुकीम आन सक्तिमी मग्रानीम। भजन संग्रह ३३:१६