भजन संग्रह 86:1 - Sunuwar Bible

¹ परमप्रभु यावे, आं पुंइशो लोव़ नेनीन। मिनु लोव़ लेत्‍तीनी। मारदे हना गो प्रुङग नु श्‍येत जशो बाक्‍नुङ।

भजन संग्रह 86:1 ပူးပေါင်းရင်းမြစ်များ

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 102:1

परमप्रभु यावे आं पुंइशो नेनीन। आं ङाक्‍शा पुंइशो इन बाक्‍तीकेम जाक्‍‍ल।

भजन संग्रह 102:17

मेकोमी श्‍येत जाइब आन पुंइशो नेंब। मिनु आन पुंइशो गेब।

भजन संग्रह 119:22

गे मेको आन शुक्‍शी पतीके नु दोस गेतीके आं क्‍येङा ङोन वोतीन। मारदे हना गो इन देंशो टीब मुर बाक्‍ती।

भजन संग्रह 140:12

परमप्रभु यावे, श्‍येत जशो आन कली वारच पाइब नु प्रुङग आन कली ठीक निसाफ पाइब बाक्‍नीनी, दे तुइक्‍नुङ।

भजन संग्रह 142:1

गो परमप्रभु यावे कली वाइ ब्रेत्‍नुङ। गो परमप्रभु यावे कली पुंइनुङ।

भजन संग्रह 17:6

गो इन कली लोव़ पाता, मारदे हना गे आं लोव़ नेंनीनी। परमप्रभु, इन नोफा आं गे दाइश्‍शा, आं लोव़ नेनीन।

भजन संग्रह 25:16

गे आं गे हिरसीने। मिनु आं कली शिशी पाइय्‍यीनी। मारदे हना गो आं का दुम्‍शा, श्‍येत जशो बाक्‍नुङ।

भजन संग्रह 31:2

इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। भजन संग्रह ७१:३

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

यसैया 37:17

परमप्रभु यावे, आं लोव़ नेनीन। परमप्रभु यावे, कोव़ङीन। सन्‍हेरीबमी गेना हना यो ब्रोंइशा बाक्‍ब परमप्रभु, इन कली शुक्‍शी पथ सोइश्‍शो लोव़ नेनीन।

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

दानीएल 9:18

आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।

मत्ती 5:3

“महिक्‍सीशो मुरपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। यसैया ५७:१५

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१