भजन संग्रह 85:8 - Sunuwar Bible

⁸ परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्‍मा गेंसीशो मुरपुकी नु थुं नाइक्‍तीक लोव़ पाइब। मेको आन कली लेंशा दूली गाक्‍चा मगेने। येरमीया २९:११; मीका ५:४

भजन संग्रह 85:8 ပူးပေါင်းရင်းမြစ်များ

उत्पत्ती 34:7

मिनु मेको नेंशा, याकूब आ तौपुकी यो रू रे जाक्‍मा बाक्‍त। आन थुं मनुथु, शुश चुरमा बाक्‍त। मारदे हना शेकेमम इस्राएल आ तमी नु इप्‍‍शा, बिथोलो पशो बाक्‍माक्‍त। मो पचा मदुम्‍शो बाक्‍माक्‍त।

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 29:11

परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्‍पाइक्‍ब।

भजन संग्रह 50:5

परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। प्रस्‍थान २४:४-११

हितोपदेस 25:11

रिम्‍शो गारचा ङा लोव़ पशोनु, चांदी के थालम वोइश्‍शो सुन के स्‍याउ खोदेंशो बाक्‍ब। हितोपदेस १५:२३

हितोपदेस 27:22

मूर्ख कली अन्‍न नु चुम्‍लुम वोइश्‍शा तूलीमी चुशा हना यो, आ मूर्खे पचा गेनायो मग्रूब।

यसैया 57:19

मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१

हबकुक 2:1

गो नेल्‍ल तचा ङा पा राप्‍शा बाक्‍नुङ। गो गारो ङोइश्‍शा कोव़नुङ। मिनु परमप्रभु यावेमी आं कली मार देंबा, मेको नेल्‍ल तशा नेंशा बाक्‍नुङ। आं कली मारेइ लोव़ लेप्‍बा कों, दे रिम्‍नुङ। यसैया २१:८

हाग्‍गै 2:9

मोपतीके एको खिं आ मुल ङा दारस क्‍येङा नोले ङा दारस शुश रिम्‍शो दुम्‍ब। मिनु एकेर आसीक शुश गे‍नुङमी” दे मुर नेल्‍ल आन परमप्रभु यावेमी देंत।

जकरिया 9:10

गो एफ्राइम रे पा बग्‍गीपुकी नु यरूसलेम रे पा लडाइ पाइब शारा लाइक्‍नुङ। लडाइ पाइब आन लिब्रा जिक्‍ब। मेकोमी रागी रागी ङा मुर आन कली थुं नाइश्‍शा बाक्‍चा गेब। मेकोमी समुन्‍द्र का रे अर्को समुन्‍द्र सम्‍म नु युफ्रेटीस खोला रे रागी ङा सुर सम्‍म सासन पाइब। मीका ५:९

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

यूहन्‍ना 20:19

मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:26

मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 5:14

मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११

यूहन्‍ना 8:11

“प्रभु, सुइ मलीम” देंत। मिनु येसुमी “गो यो इ कली मसाइक्‍नुङ। लावो, मिनु लेंशा पाप मपावो” देंशा सोइक्‍ताक्‍व। यूहन्‍ना ५:१४

प्रेरित 10:36

परमप्रभु यावेमी येसु ख्रीस्‍त आ पतीकेम आंइ इस्राएल ङा मुर आन कली ग्‍येरपाइक्‍ब लोव़ नेंपाइक्‍तु। मिनु येसु ख्रीस्‍त नेल्‍ल आन प्रभु बाक्‍ब। एफिसी २:१७

प्रेरित 3:26

मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६

गलाती 4:9

मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

एफिसी 2:17

मिनु येसु ख्रीस्‍त रागीमी जाक्‍शा, ङोन बाक्‍ब इन कली नु परमप्रभु यावे आ नेक्‍था बाक्‍ब आन कली परमप्रभु यावे नु दोपा दुशा बाक्‍चा, मेको शेंताक्‍व। यसैया ५७:१९

२ थिस्‍सलोनिकी 3:16

थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।