भजन संग्रह 85:3 - Sunuwar Bible

³ गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी।

भजन संग्रह 85:3 ပူးပေါင်းရင်းမြစ်များ

२ इतिहास 6:39

इन स्‍‍वर्ग ङा बाक्‍तीक रे मेको आन पुंइशो लोव़ नेनीन। मिनु मेको आन माल्‍शो गेन। आन पशो पाप नेल्‍ल क्‍याम्‍दीन।

भजन संग्रह 106:23

मोपतीके मेकोमी “मेको आन कली खतम सेल्‍नुङ” दे मिम्‍शो बाक्‍त। तन्‍न आ योव़शो मुर मोसामी “मेको आन कली मोदेंशो मपचा” दे पुंइशो बाक्‍त। मिनु आ गाइश्‍शो नाइश्‍शो बाक्‍त। प्रस्‍थान ३२:११,३२; ब्‍यवस्‍था ९:२५-२९; इजीकीएल १३:४-५

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

प्रस्‍थान 32:22

मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 40:1

इन परमप्रभुमी “आं मुर आन कली लेम्‍दीन, लेम्‍दीन।

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

यसैया 6:7

मिनु मेकोमी आं शोव़ मीम थिपाइश्‍शा “मुल एको मीम इ शोव़ थिप्‍तु, इ दोस ततीक लोव़ नु इ पाप क्‍याम्‍साक्‍व” देंत।

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

योना 3:9

परमप्रभु आ शुश गाइक्‍तीक रे लेप्‍बा, कों? मेकोमी आंइ कली मसाइक्‍बा, कों? सुम तुइक्‍बा, ङा?” देंमा बाक्‍त। योएल २:१४

मीका 7:19

मेकोमी आंइ कली लेंशा शिशी पाइ‍ब। मेकोमी आंइ पाप कली दिम्‍ब। गे आंइ पाप शुश लुक्‍च लशो समुन्‍द्रमी ताइक्‍नीनी।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 32:43

गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४