भजन संग्रह 85:11 - Sunuwar Bible

¹¹ थमा पा दाक्‍शा मप्रोंइतीके खप रे वाशो खोदेंशो पा ग्रूब। मिनु ठीक पतीकेमी सरीङ रे कोव़ब।

भजन संग्रह 85:11 ပူးပေါင်းရင်းမြစ်များ

भजन संग्रह 72:3

मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 42:21

परमप्रभु यावेमी आ ठीक पतीके तशा, ग्‍येरसीशो बाक्‍त। मेकोमी आ शेंतीके ठेयब सेल्‍शा नु थम रिम्‍शो दुम्‍पाइक्‍‍ब।

यसैया 45:8

सरीङ, रेउ यिपतो। ठीक पतीके रेउ खोदेंशो पा यिल। रागी रोक्‍सेक्‍ल, पाप रे प्रोंइतीके ठोसा खोदेंशो पा ग्रूब। मेको ठीक पतीके नु कालेमीन कोल्‍सल। मेको नेल्‍ल सेल्‍ब, गो, परमप्रभु यावे नङ।

यसैया 53:2

मेको आ ङोंइती बिरवा खोदेंशो पा कोल्‍त। सोव़शो खपीम शाक्‍श खोदेंशो पा कोल्‍‍त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्‍त। मेको मदारशो ममाल्‍चा ङा मुर खोदेंशो बाक्‍त। यसैया ११:१

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७