भजन संग्रह 83:15 - Sunuwar Bible

¹⁵ मोपा इन फश गिवारम मेको आन कली खेदा पने। इन फश गिवारम मेको आन कली हिंच कोंइदीन।

भजन संग्रह 83:15 ပူးပေါင်းရင်းမြစ်များ

अय्‍युब 9:17

मारदे हना मेकोमी आं कली फश गिवारम खतम सेल्‍ब। मोशान आं गार शुश सेल्‍ब।

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

भजन संग्रह 50:3

आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।

भजन संग्रह 58:9

इन ग्‍योंबपुकी सोव़शो चूमी ब्रशो मीम होचा क्‍येङा ङोंइती, मरिम्‍शो पाइबपुकी जाम्‍शा लाइनीम।

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

इजीकीएल 21:3

मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

मत्ती 7:27

मिनु ठेयब रेउ यिशा, भोल यिशा, फश पवानु, मेको खिं ब्रेश्‍शा योल्‍त। मिनु मेको के ठेयब खती दुम्‍त” दे येसुमी शेंदीमी बाक्‍त।

हिब्रू 12:18

साइ इं किकी पिपीपुकीमी परमप्रभु यावे कली ग्रुम्‍शो खोदेंशो पा मग्रुम्‍नीनी। मेकोपुकीमी गुइमी थिचा ङा डांडामी मी ब्रशा तामे बाक्‍त। मिनु छिङछिङ दुम्‍शा क्‍येर गोस्‍स बोक्‍शा, फश गिवार पा बुंबु पवा बाक्‍त। गे मेक सम्‍म मजाक्‍शो बाक्‍नीनी। प्रस्‍थान १९:१२,१६,१८; ब्‍यवस्‍था ४:११