भजन संग्रह 81:5 - Sunuwar Bible

⁵ मेको लोव़ परमप्रभुमी इजीप्‍त रे ग्रुंइशो योसेफ आ मुर आन कली अरेशो लोव़ बाक्‍ब। गो मतुइश्‍शो सेंदा का नेंतक।

भजन संग्रह 81:5 ပူးပေါင်းရင်းမြစ်များ

भजन संग्रह 114:1

इस्राएली इजीप्‍त रे ब्रोंइशा जाक्‍मानु, याकूब आ खिं ङा मुर अर्को जात ङा लोव़ ब्‍वाक्‍तीक रे ग्रूशा जाक्‍मानु, प्रस्‍थान १२:४१

भजन संग्रह 77:15

गे इन सक्तिमी इन मुर आन कली प्रोंइतीनी। गे याकूब, योसेफ नु आ चच युइ आन कली प्रोंइतीनी। ठेयब सेंदा पा।

भजन संग्रह 78:6

मेको आन नोले ङा पाला ङा मुरपुकीमी एको लोव़ नेल्‍ल तुइक्‍तमेक्‍ल। मिनु मेको आन क्‍येङा नोले जरमेशो आल कोल्‍शा तुइश्‍शा, मेकोपुकीमी आन आल आन कली शेंदमेक्‍ल।

प्रस्‍थान 11:4

मिनु मोसामी फाराओ नु आ मुर आन कली “परमप्रभु यावे आ देंशो लोव़ मार बाक्‍त देंशा हना नाक्‍दो उइक्‍थ दुम्‍मेनु, इजीप्‍ती आन दातेम लाइनुङ।

प्रस्‍थान 12:12

मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४

प्रस्‍थान 12:27

गे मेको आन कली ‘इस्राएल ङा मुरपुकी इजीप्‍त रागीम बाक्‍मानु, परमप्रभु यावेमी इजीप्‍त ङा मुर आन कली साइक्‍ची ना इस्राएली आन खिं चहिं हेरशा लत। एको हेरतीक आ पर्बम चढ़ेशो बाक्‍ब’ देंचा माल्‍नीनी” दे मोसामी देंत। मिनु मुरपुकीमी खुम्‍की पा बाप्‍शा, परमप्रभु यावे कली ठेयब सेल्‍तेक्‍म।

प्रस्‍थान 12:29

मिनु नाक्‍दो उइक्‍थ दुम्‍मेनु, परमप्रभु यावेमी इजीप्‍त रागी ङा मुर आन ङोंइती जरमेशो तौ आन कली साइक्‍तीमी। फाराओ आ नोले सासन पाइब तौ रे जेल्‍खानम बाक्‍ब मुर आन ङोंइती जरमेशो तौ नेल्‍ल आन कली साइक्‍तीमी। बस्‍तु भाव आन ङोंइती जरमेशो यो साइक्‍तु। प्रस्‍थान ४:२३

यसैया 28:11

थमा पा, मेकोमी अर्को रागी ङा मरुप्‍चा ङा लोव़ पा, आ मुर आन कली शेंब। ब्‍यवस्‍था २८:४९; येरमीया ५:१५; १कोरिन्‍थी १४:२१

येरमीया 5:15

ए इस्राएल, इन कली खतम सेल्‍चा कली ङोन रागी ङा मुर चाक्‍नुङ। मेको रागी ङा मुरपुकी शुश बोल पाइश्‍शो बाक्‍नीम। आन रागी साइ ङोंइती ङा बाक्‍ब। गे मेको मुर आन लोव़ मतुइक्‍नीनी। आन ब्‍वाक्‍शो मरुप्‍नीनी। येरमीया ६:२२; यसैया २८:१

इजीकीएल 20:20

आं नाइक्‍तीक नाक्‍ती गेय मपने। मिनु मेको गे नु गो इं दातेम चिन्‍ड दुम्‍ल। मिनु गेपुकीम गो परमप्रभु यावे, इन परमप्रभु नङ, दे तुइक्‍नीनी’ देंती।

आमोस 6:6

मेकोपुकीम डाप्‍काम अङगुर शांबु तूनीमी। नेल्‍ल क्‍येङा रिम्‍शो तेल ख्रेक्‍सीनीमी। तन्‍न योसेफ आ खिं ङा मुरुम श्‍येत जामेनु, सुर्ता मपाइनीम।

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५

ब्‍यवस्‍था 4:45

मिनु मेको परमप्रभु यावे आ आ देंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ बाक्‍नीम। मोसामी मेको नेल्‍ल इस्राएली आन कली इजीप्‍त रे ग्रुंइची ना शेंताक्‍व।