भजन संग्रह 80:8 - Sunuwar Bible

⁸ गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। यसैया ५:१-७; येरमीया २:२१

भजन संग्रह 80:8 ပူးပေါင်းရင်းမြစ်များ

भजन संग्रह 31:17

परमप्रभु यावे, गो मुने मदोक्‍ङल। मारदे हना गो इन कली “वारच पने” दे पुंइता। इन अरेशो मटीबपुकी मुने दोक्‍मल। मेकोपुकी बेक्‍शो मुर आन बाक्‍तीकेम सिक्‍सी पा बाक्‍मल।

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 60:3

परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। भजन संग्रह ७५:९

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

येरमीया 12:10

शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३

येरमीया 2:21

गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४

इजीकीएल 15:6

मोपतीके परमप्रभु, परमप्रभु यावेमी “दोपा ब्‍वाकी ङा रवा आन दाते ङा अङगुर बोट कली मीम चोचा कली गेङा, मोपा गो यरूसलेम ङा मुर आन कली यो पाइक्‍नुङमी।

इजीकीएल 17:6

मिनु मेको वाशा एर ओंथ नेल्‍ल गे ब्राइब लहारा का दुम्‍त। मिनु मेको आ राशी मेको ककाकुली गे लेत्‍तेक्‍म। तन्‍न मेको आ शाक्‍श चहिं आगामीन लीतेक्‍म। मोपा मेको लहारा का दुम्‍त। मिनु मेको आ राशी दाप्‍तेक्‍म। मिनु मेकेर रे शुश सफा ग्रूतेक्‍म। इजीकीएल १९:१०

इजीकीएल 19:10

इ ममा ब्‍वाक्‍कु आ नेक्‍था ख्रुम्‍शो अङगुर बोट खोदेंशो बाक्‍त। शुश ब्‍वाक्‍कु बाक्‍तीके, मेको शुश राशी पाइश्‍शा शुश गेडा सिश्‍शो बाक्‍त। इजीकीएल १७:६

प्रेरित 7:45

मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१

यहोसु 13:6

मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।