भजन संग्रह 79:8 - Sunuwar Bible

⁸ आंइ किकी पिपी आन पशो पाप आ क्‍येक्‍क आंइ कली मलेत्‍तीन। आंइ कली रीब पा इन शिशी गेकी। मारदे हना आंइ थुं लुक्‍च लशो बाक्‍ब।

भजन संग्रह 79:8 ပူးပေါင်းရင်းမြစ်များ

उत्पत्ती 15:16

इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

भजन संग्रह 106:43

मिनु परमप्रभुमी मेको आन कली शुश खेयप प्रोंइमी बाक्‍त। तन्‍न मेकोपुकीमी गेनायो परमप्रभु कली मटीमे बाक्‍त। मेको आन मरिम्‍शो पतीकेमी खतम दुम्‍मा बाक्‍त।

भजन संग्रह 116:6

परमप्रभु यावेम आइक्‍च थुं पाइश्‍शो आन कली कोव़ब। आं थुं लुक्‍च लमेनु, मेकोमी आं कली श्‍येत रे प्रोंइती।

भजन संग्रह 130:3

परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?

भजन संग्रह 142:6

आं पुंइशो लोव़ नेनीन। मारदे हना आ थुं शुश लुक्‍च लत। आं कली खेदा पाइब रे प्रोंइयीनी। मारदे हना मेकोपुकी आं क्‍येङा बोल्‍यो बाक्‍नीम।

भजन संग्रह 21:3

गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

प्रस्‍थान 32:34

तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०

यसैया 64:9

परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।

इजीकीएल 2:3

मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।

दानीएल 9:16

परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

ब्‍यवस्‍था 28:43

मिनु गेपुकी नु बाक्‍ब अर्को रागी ङा मुर क्‍येट थीब दुम्‍शा, ङोंइती क्‍येङा ठेयब दुम्‍नीम, तन्‍न गेपुकी दोक्‍ना दोक्‍न लाइ‍नीनी।

प्रकाश 18:5

मेको आन मरिम्‍शो पशो देल्‍शा, सरीङ सम्‍म जाक्‍शो बाक्‍त। मिनु परमप्रभुमी मेको आन मरिम्‍शो पशो मिम्‍‍शो बाक्‍त। उत्‍पत्ती १८:२०-२१; येरमीया ५१:९