भजन संग्रह 79:5 - Sunuwar Bible

⁵ परमप्रभु यावे, गे गेना सम्‍म गाइक्‍स ङा गाइक्‍स बाक्‍नीनी? इन गेहे पतीके गेना सम्‍म मी खोदेंशो पा ब्रस ङा ब्रस बाक्‍बा?

भजन संग्रह 79:5 ပူးပေါင်းရင်းမြစ်များ

भजन संग्रह 103:9

मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्‍ब। यसैया ५७:१६

भजन संग्रह 6:4

परमप्रभु यावे, गे आं गे लेतीने। इन गेना हना यो दाक्‍तीकेमी आं थुं बेक्‍चा रे प्रोंइ‍यीनी।

भजन संग्रह 74:1

परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?

भजन संग्रह 80:4

परमप्रभु यावे, मुर नेल्‍ल आन परमप्रभु, इन मुर आन पुंइशो आ पर्बम गेना सम्‍म गाइक्‍नीनी?

भजन संग्रह 80:5

गे मेको आन कली श्‍येत ङा शोब्‍ले जपाइक्‍तीनी। मिनु आन प्रेक्‍कु तूचा ब्‍वाक्‍कु खोदेंशो पा शुश दुम्‍त।

भजन संग्रह 85:5

मार, गे गेना हना यो गोपुकी नु गाइक्‍स ङा गाइक्‍स बाक्‍नीनी? गे गोपुकी नु आंइ चच युइ आन पाला सम्‍म गाइक्‍स ङा गाइक्‍स बाक्‍नीनी?

भजन संग्रह 89:46

परमप्रभु यावे, गे गेना सम्‍म ख्रुइश्‍शा बाक्‍नीनी? इन गाइक्‍चा गेना सम्‍म मी खोदेंशो पा ब्राइबा?

भजन संग्रह 89:47

परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।

यसैया 64:9

परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।

बिलाप 5:22

गे आंइ कली थमा पा मप्रोंइशो बाक्‍तीनी हना नु आंइ तशा शुश मगाइश्‍शो बाक्‍तीनी हना, मोदेंशो दुम्‍ल” दे पुंइतक।

इजीकीएल 36:5

मोपतीके परमप्रभु, परमप्रभु यावे आं लोव़ नेनीन। गो थाम्‍पा रुश पा, अर्को रागी नु एदोम रागी नेल्‍ल आन कली लोव़ पाइनुङ। मारदे हना मेकोपुकीम आन थुं नेल्‍लेम ग्‍येरसीशा आं रागी आन के सेल्‍तेक्‍म। मारदे हना रिम्‍शो योव़तीक जोतीक बाक्‍शा, मेको आंम कली रोंइसाक्‍म’ देंत। इजीकीएल ३५:१५

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

सेफन्‍याह 3:8

परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। योएल ४:२; भजन संग्रह ७९:६

जकरिया 1:12

मिनु परमप्रभु यावे आ स्‍वर्ग ङा गेय पाइबमी ‘मुर नेल्‍ल आन परमप्रभु यावे, गे गेना सम्‍म यरूसलेम नु यहूदा सहर ङा मुर आन कली शिशी मपाइनीनी? गे मेको आन कली मुल रे ७० बर्स सम्‍म गाइक्‍ना गाइक्‍न बाक्‍शो बाक्‍‍तीनी’ ” देंत। भजन संग्रह १०२:१४; दानीएल ६:२

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

ब्‍यवस्‍था 32:16

मिनु मेकोपुकीमी अर्को देवी देवता आन कली ठेयब सेल्‍शा, मेको कली गेहे पपाइक्‍तेक्‍म। मेकोपुकीमी ग्रांग्रा दिचा ङा थोव़कीम पतीके मेको कली गाइक्‍पाइक्‍तेक्‍म।

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।